逸翠軒點心專門店 (已結業)

之前喺尖沙咀試過逸翠軒點心店覺得都ok, 今次咁啱黎長沙灣搵朋友, 仲見佢有點心雞煲火鍋仲要係任飲任食兩小時, 滿足哂三個願望⭐⭐⭐ 男人勁愛辣雞煲, 佢不知幾咁開心😂 上網睇返原來得呢間先有雞煲食。。。原來逸翠軒係翠河集團, 店舖就喺翠河隔離, 我地可能時間尚早, 七點黎到唔算多人, 但慢慢一路食就越黎越多人喇, 座位都寬敞, 4人都俾6人座位我地, 唔怕枱面唔夠位。等咗一陣就有點心先上枱, 一人一籠點心。🔸燒賣🔸菜苖餃🔸粉果🔸高質點心👍👍👍仲好大粒, 我自己就鍾意菜苖餃同燒賣, 皮薄餡靚, 真係要推介下⭐🔸雞煲🔸份量同材料十足, 味道都幾辣架, 如果唔食得辣最好落單時提一提店員要咩辣度。 朋友們就係鍾意夠辣夠刺激, 雞件都好味夠嫩, 就算係乾蔥同洋蔥都好味👍 食到咁上下就可以叫店員加湯打邊邊。🔸火鍋🔸一開始已經會有一大盤火鍋拼盤, 有牛肉, 豚肉, 墨魚丸, 魚蛋, 牛丸, 冬菇, 海鮮有蝦, 青口, 鯇魚片, 鱔片。 食哂仲可以再某特定食材再補給, 但我地覺得本身份量已經可以食到勁飽了, 都無再加野食😂想讚既係鯇魚片同鱔片係勁大片厚切, 差唔多成隻手掌咁大, 食魚愛好者表示好驚喜