影片
更多
2023-05-30
968 瀏覽
今日久違地去食omakase～🍣因為係報答朋友幫我整眉所以食佢推介既 #佢同我1樣鍾意食omakase所以我係無做任何資料搜集情況下就去左食都小full，最小提早2星期訂～訂枱要留$1000訂金由於過程專心同朋友傾計所以無每樣mark低名同details所以就趁記憶仲係到同大家分享下一啲印象深刻既😆⭐️首先必須講一講我係好小＆好怕食魚刺身，除左三文魚外基本唔食，如果去omakase都要講明唔腥先食(因為食過啲omakase都係腥🥺處理得唔好or唔新鮮，有次食到我嘔)，今次一樣有講明唔食腥既，師傅都好有信心同我講無問題，然後照上比我，雖然唔係每道都好食到令我深入腦，但真係每道都唔腥，厚肉！有啲仲好爽口，全部都好新鮮🥰所以同我1樣怕腥既都可以放心了～▫️圖2右上角個個魚唔記得叫咩名，超好食，個肉質地有啲似銀鱈魚，食完好想再食多舊😋▫️每次食omakase最期待就係生蠔同海膽，果然無令我失望，呢個生蠔係之前拎過獎，食落爽口厚實又鮮，唔洗任何調味已經相當唔錯！而個海膽係好creamy入口即溶，無野可以挑剔～▫️終於試到傳說中既縞蝦，自問身為超級🦐迷既我，都無食過，真係比較小見🥲但一直聽講好好食，完全估
因為係報答朋友幫我整眉所以食佢推介既 #佢同我1樣鍾意食omakase
所以我係無做任何資料搜集情況下就去左食
都小full，最小提早2星期訂～訂枱要留$1000訂金
由於過程專心同朋友傾計所以無每樣mark低名同details
所以就趁記憶仲係到同大家分享下一啲印象深刻既😆
⭐️首先必須講一講我係好小＆好怕食魚刺身，除左三文魚外基本唔食，如果去omakase都要講明唔腥先食(因為食過啲omakase都係腥🥺處理得唔好or唔新鮮，有次食到我嘔)，今次一樣有講明唔食腥既，師傅都好有信心同我講無問題，然後照上比我，雖然唔係每道都好食到令我深入腦，但真係每道都唔腥，厚肉！有啲仲好爽口，全部都好新鮮🥰所以同我1樣怕腥既都可以放心了～
▫️圖2右上角個個魚唔記得叫咩名，超好食，個肉質地有啲似銀鱈魚，食完好想再食多舊😋
▫️每次食omakase最期待就係生蠔同海膽，果然無令我失望，呢個生蠔係之前拎過獎，食落爽口厚實又鮮，唔洗任何調味已經相當唔錯！而個海膽係好creamy入口即溶，無野可以挑剔～
▫️終於試到傳說中既縞蝦，自問身為超級🦐迷既我，都無食過，真係比較小見🥲但一直聽講好好食，完全估唔到今日會有得食，真係好甜好好食，係佢出現之前，蝦刺身我最鍾意赤蝦，依家完美榮升第1了💕而赤蝦今次都有食到，就唔係刺身咁食了，係即烚之後趁熱即剝殼再即整再趁熱即食，係大隻到除左啲肉好厚之外佢每一層紋都有小小白色膏咁既物體，唔識講總之好好食，覺得仲好食過刺身咁食！
▫️個鮑魚係3種鮑魚入面最頂級既黑鮑，我第一次食，以為會硬啲實啲，點知食落勁淋但又有咬口，原來師傅係放入真空袋蒸3粒鍾，等佢逼啲鮑汁出黎再自己吸收返，不停重複先會做到咁入味又咁好口感🥺而且之前成日聽人講日本會處理好鮑魚既內臟食埋，我真係從來唔敢食，今次佢整成醬叫我點埋鮑魚食，我就試下，點知無想像中腥臭同苦，仲幾好食！食完鮑魚仲有粒飯仔比你撈埋啲醬食，我食哂😂
▫️最後有2個甜品都好深刻，首先係整成布甸口感既玉子，個口感係似到我問左句‘咁即係係布甸定玉子’🤣係真係玉子黎嫁，雖然無到好好食但成件事好得意！！
而個珍珠提子水果撻真係超驚喜，我諗我應該可以食10個，佢最外個層薄到紙咁既我以為係咩紙兜唔食得，點知原來係撻皮可以食的😨超脆！入面會有個餅仔座住啲cream，最頂鋪滿珍珠提子，每一粒都人手剝皮😨o哂嘴，好有心機，成個撻又脆又爆汁好juicy😍
#omakase #日料 #探店 #自費分享
張貼
