麻辣小聚 (Ladder Dundas) (已結業)

其實一隻之前我有聽過呢一間餐廳，但係一直都覺得佢好似好麻甩下，所以就唔係好敢嘗試。直至有一日一個比我更唔食得辣嘅朋友食完覺得都係可接受範圍所以就決定要去一戰了！難忘酸菜魚鍋因為好驚都係太辣所以叫一個感覺冇咁辣嘅酸菜魚試吓先！酸菜魚辣嘅程度對我來講已經係中小辣程度，酸菜魚湯底酸味比較重少少辣味都係可接受範圍的！魚片質地係好食的。麻辣小龍蝦麻辣小龍蝦果然最好食就係龍蝦嘅醬汁，龍蝦肉雖然唔係佔好大份量但係其實都食得好過癮下！火鍋海鮮比想像中新鮮同埋肥美，有七至八款選擇，食晒咁多款覺得我蝦同埋蜆係最好的！蜆肉係冇size嘅真係要值得一讚。牛肉兩款都食晒，係澳洲M5和牛和安格斯肥牛。肥牛就肥肉嘅比例會多啲，牛味相對冇咁重。另外一款和牛牛肉味會適中啲，肥肉就平衡啲！