影片
更多
2021-08-21
997 瀏覽
2021年8月14日 星期六呢排突然間好想食燒肉，所以今晚就同老婆去咗銅鑼灣呢一間餐廳，因為見到好似做緊燒肉推廣餐廳做緊嘅推廣就係呢兩個分別係月炙月見和牛套餐同熱炙月見和牛套餐，除咗有和牛食之外，仲有其他牛嘅部位可以品嚐，加上我哋有選擇困難症，唔想慢慢揀食乜嘢，所以就直接叫咗熱炙和牛套餐一點完餐之後，店員就喺爐邊放上芝士同泡菜蛋，等佢哋慢慢燒熟，芝士燒熟之後溶溶地，仲可以拉絲添之後一大堆前菜同配菜就黎到，有醃蘿蔔、泡菜、芽菜等等，十分豐富之餘，食完都幾開胃，至於沙律就好新鮮，菜好爽脆又多水分飲品方面，我點左原熟白桃沙冰，足足見到半個桃係飲品上面，勁誇張，飲落去每一啖都有濃郁嘅桃味，而且夠晒冰凍另外原來惠顧任何晚市套餐，都會送呢個芝士熔岩泡菜紫菜包飯，飯卷上面有勁多熔岩芝士，夠晒鹹香，裡面仲有混入泡菜，所以一啲都唔單調，食完幾舊已經飽飽地終於到主角出場，成個燒肉拼盤放滿左牛唔同嘅部位同埋配菜，用左個牛型既盤裝住，打卡一流左邊有韓牛前胸肉同霜降牛小排，見得到油脂分布好平均，血水唔算太多，燒既時候好快就熟，幾有咬口同調味足夠最令我期待嘅係呢一塊月見和牛肩肉扒，因為呢一個大小出面賣都一定最少要
呢排突然間好想食燒肉，所以今晚就同老婆去咗銅鑼灣呢一間餐廳，因為見到好似做緊燒肉推廣
餐廳做緊嘅推廣就係呢兩個分別係月炙月見和牛套餐同熱炙月見和牛套餐，除咗有和牛食之外，仲有其他牛嘅部位可以品嚐，加上我哋有選擇困難症，唔想慢慢揀食乜嘢，所以就直接叫咗熱炙和牛套餐
一點完餐之後，店員就喺爐邊放上芝士同泡菜蛋，等佢哋慢慢燒熟，芝士燒熟之後溶溶地，仲可以拉絲添
之後一大堆前菜同配菜就黎到，有醃蘿蔔、泡菜、芽菜等等，十分豐富之餘，食完都幾開胃，至於沙律就好新鮮，菜好爽脆又多水分
飲品方面，我點左原熟白桃沙冰，足足見到半個桃係飲品上面，勁誇張，飲落去每一啖都有濃郁嘅桃味，而且夠晒冰凍
另外原來惠顧任何晚市套餐，都會送呢個芝士熔岩泡菜紫菜包飯，飯卷上面有勁多熔岩芝士，夠晒鹹香，裡面仲有混入泡菜，所以一啲都唔單調，食完幾舊已經飽飽地
終於到主角出場，成個燒肉拼盤放滿左牛唔同嘅部位同埋配菜，用左個牛型既盤裝住，打卡一流
左邊有韓牛前胸肉同霜降牛小排，見得到油脂分布好平均，血水唔算太多，燒既時候好快就熟，幾有咬口同調味足夠
最令我期待嘅係呢一塊月見和牛肩肉扒，因為呢一個大小出面賣都一定最少要幾百蚊，有埋認定證，感覺好高級咁
笑落去嘅時候差唔多占滿晒成個爐，好快就已經全熟，食落去入口即化，充滿油脂香味，牛肉味都好濃郁，滿足嘅感覺不自然地表露喺面上
雖然埋單每人大約$500左右，不過食得好滿足，返到屋企都仲係覺得好飽
張貼
