餃里 (宏輝大廈)

營業中

休息中

響飲食網站見到哩間屯門店響屋炮台山開新店，放工經過就買左六隻芝士粟米鮮肉煎餃黎加餸😁餃子比我想像的大隻同足料，皮薄餡靚，好彩冇加撈麵，如果唔係我真係食唔曬😆 我幾欣賞佢嘅辣菜脯，對我哩啲唔係咁食得辣嘅人黎講係易入口得黎又惹味，食完好暖胃～佢除左多款煎餃，仲有湯餃同生餃賣，熟餃可以配撈麵/上海麵，亦有素餃可以選擇。舖頭細細主要做外賣生意，其實果條街有好多細鋪都好多好嘢食😋因為我收工差唔多七點先去買，好多餃子都已經賣曬，芝士粟米鮮肉煎餃嘅味道幾特別，同平時啲鮮肉餃好唔同，我下次再試下佢地嘅韭菜鮮肉餃先🥟