利滿皇宮 (已結業)

假期節日， 就自然想同家人飲啖茶食個包，去間坐得舒服的酒樓輕輕鬆鬆過周末。 元朗鳳琴體育館旁的利滿皇宮， 裝修輝煌， 比起元朗區其他酒樓都要坐得舒適。 要滿足家人的飲茶胃，絕對無難度。周日午餐都有各款combination, 除了各款點心 小食，叫條斑配炒粉麵，2人4人套餐， 炒粉麵配點心等套餐都應有盡有。叉燒腸粉腸粉蒸得剛熟，有米味，腸粉皮唔會太厚，而且叉燒份量也多，有質素 ，剛剛蒸出來是軟熟好味。。脆皮燒腩仔脆皮燒腩仔外皮燒得脆卜卜，五層腩肥瘦相間，肉質又鬆化，肉味油香並重，一口一舊停不了。除了點心，當然也要叫 炒粉麵套餐是次叫了二人燉湯套餐配炒粉麵套餐，至於 蟲草花螺頭燉雞湯滋補養顏， 材料十足， 螺頭蟲草花雞肉豬骨等等 ， 火喉夠 ，連埋啲湯渣食飲到一啖不剩。蟹籽海皇蛋白炒飯即叫即炒大大份， 炒飯炒得粒粒金黃，抵食又大碟。最後仲叫了千層薑汁糕， 即叫即蒸熱辣辣， 作為飯後甜點非常不錯。