Home‧焙小日子 (希慎廣場)

營業中

休息中

雖然自己都成日開爐焗麵包，但就好少喺屋企整蛋糕，因為需要嘅工具同材料都好多，又擔心自己搞唔掂，所以蛋糕真係出去整好😅來自台灣嘅Home.焙小日子係一間自助烘焙室，之前經過見地方又大又光猛，工具亦都排得好整齊已經好想試。 今次就襯就到萬聖節加芷娸生日，叫埋爸爸一齊去整蛋糕留個回憶先🎂同娸娸揀完蛋糕之後，店員送上平板電腦就可以開始製作，成個整蛋糕過程全自助，由開始拎材料到最後蛋糕入盒，都係自己一手一腳處理👍🏻當然店內嘅職員都會不時留意有冇人需要幫手，而佢地亦好樂意幫忙🥰平板電腦上面嘅食譜寫得非常清楚，仲會有短片介紹，真係唔使擔心會失敗🤪最開心嘅係完全唔需要自己洗工具，店員會幫我哋處理❤️兩個半小時就已經做好一個非常有滿足感嘅蛋糕👩‍🍳🧁芷娸同爸爸既滿足又開心🎂已經約定聖誕再嚟過🥳