影片
更多
2021-02-08
1478 瀏覽
【 💛 】 🉑 ：自取 ⭐👉🏻評分: 8/10——————————————————係用鯪魚肉做嘅燒賣！喺屯門一耕等等都有銷售點！本身諗住食燒賣㗎咋！但見牛腩治都好似幾出名，就打孖上啦！——————————————————▪️ 芫茜燒賣（$14/4)▪️ 魚肉燒賣（$10/4 )▪️ 午餐：芝士蛋牛腩三文治（$43)▪️ 蠔油時菜（$15 )燒賣係用蒸籠蒸起，嚟到仲噴煙，但皮有小小痴埋一齊。魚肉款本身已經比出面食嘅大粒，芫茜款再比魚肉款大粒小小。😁魚肉燒賣外皮黏糯，最特別係店家係用鯪魚肉，食落微爽彈牙，唔會好似一pat粉，同一般軟綿嘅魚肉燒賣有小小唔同！點埋甜豉油，更加襯托起魚肉嘅鮮味👍🏻芫茜燒賣就係魚肉基底，再混入切碎嘅芫茜粒，唔知點解呢個反而煙銀感重啲，無咁彈牙。嗒落唔算好重芫茜香，點到即止，唔超級好芫茜嘅人應該都唔會食到好辛苦。佢哋仲有生料可以買返屋企，其他區都有銷售點！三文治應該等咗15分鐘左右先有，嚟到真係熱辣辣仲烘得好有誠意，麵包底面都用牛油烘香，唔會過燶，超級香口。切半嘅三文治勁澎湃，入面夾滿餡料，用手拎起大啖咬好爽！😭一啖咬落芝士同半肥瘦潮州牛腩嘅鹹香，畀麵包同
🉑 ：自取
⭐👉🏻評分: 8/10
——————————————————
係用鯪魚肉做嘅燒賣！喺屯門一耕等等都有銷售點！本身諗住食燒賣㗎咋！但見牛腩治都好似幾出名，就打孖上啦！
——————————————————
▪️ 芫茜燒賣（$14/4)
▪️ 魚肉燒賣（$10/4 )
▪️ 午餐：芝士蛋牛腩三文治（$43)
▪️ 蠔油時菜（$15 )
燒賣係用蒸籠蒸起，嚟到仲噴煙，但皮有小小痴埋一齊。魚肉款本身已經比出面食嘅大粒，芫茜款再比魚肉款大粒小小。😁
魚肉燒賣外皮黏糯，最特別係店家係用鯪魚肉，食落微爽彈牙，唔會好似一pat粉，同一般軟綿嘅魚肉燒賣有小小唔同！點埋甜豉油，更加襯托起魚肉嘅鮮味👍🏻
芫茜燒賣就係魚肉基底，再混入切碎嘅芫茜粒，唔知點解呢個反而煙銀感重啲，無咁彈牙。嗒落唔算好重芫茜香，點到即止，唔超級好芫茜嘅人應該都唔會食到好辛苦。
佢哋仲有生料可以買返屋企，其他區都有銷售點！
三文治應該等咗15分鐘左右先有，嚟到真係熱辣辣仲烘得好有誠意，麵包底面都用牛油烘香，唔會過燶，超級香口。切半嘅三文治勁澎湃，入面夾滿餡料，用手拎起大啖咬好爽！😭
一啖咬落芝士同半肥瘦潮州牛腩嘅鹹香，畀麵包同蛋中和翻，牛腩少肥但尚可接受，牛味唔算超濃、鹹味較搶，因為有番茄所以成件事唔會太漏！口感同層次都好豐富，係食完會有幸福感嘅三文治。🥲
因為係芝士蛋再加鹹嘅肉，出到嚟嘅味竟然有啲豬柳蛋漢堡嘅feel ，係咪太耐無食有幻覺(´･_･`)
btw呢到都請咗幾個後生仔，感覺唔太熟手，要繼續努力啊
✨ 老虎岩(第6座)潮式粉麵咖啡 ✨
📍大埔東昌街6-16號地下F舖及閣樓
⏰ 1100-1800(星期二休息)
張貼
