影片
更多
2007-12-11
24 瀏覽
第一次去哩間餐廳食野時已經係幾年前了,睇到報紙買佢地最出名既火焰雪山,於是去過一次。今次係男朋友生日,12月7號打電話訂檯,booking左8點鐘向海位置,當日中午我已經出左尖沙咀選擇禮物送比winson,買左一件衫做佢既b-day gift,之後拎埋個蛋糕,6點鐘起程去中環,由於winson收工收6點,於是我仲有時間去準備,去到中環,第一時間拎左個cake去餐廳,叫侍應幫我keep住,之後去左IFC買左「暴劫現場」既戲飛,7點45分,winson到中環了,同佢行去餐廳,一到門口,winson已經講左一句:「嘩~~好正呀,對住個海既,妳又會搵到哩間餐廳既?」我心一笑,太好啦,winson好鐘意哩度個景,我地被安排住係向海第二張檯既位置,叫左2柸dinks,之後有個女侍應(定老闆娘?)好有禮貌同笑容咁行埋黎介紹我地食物,我記得幾年前都係佢service我地,仍然仲係咁有笑容同禮貌,真係值得一贊!!佢介紹左2款食物,一個係古法咖哩,可配牛、羊、蝦同埋羊架,於是我地叫左個古法咖哩配蝦球、羊架套餐同埋一個薯蓉焗田螺。首先係頭盤薯蓉焗田螺:田螺入面落左香料,食落去味道好濃郁好好味。古法咖哩配蝦球
今次係男朋友生日,12月7號打電話訂檯,booking左8點鐘向海位置,當日中午我已經出左尖沙咀選擇禮物送比winson,買左一件衫做佢既b-day gift,之後拎埋個蛋糕,6點鐘起程去中環,由於winson收工收6點,於是我仲有時間去準備,去到中環,第一時間拎左個cake去餐廳,叫侍應幫我keep住,之後去左IFC買左「暴劫現場」既戲飛,7點45分,winson到中環了,同佢行去餐廳,一到門口,winson已經講左一句:「嘩~~好正呀,對住個海既,妳又會搵到哩間餐廳既?」我心一笑,太好啦,winson好鐘意哩度個景,我地被安排住係向海第二張檯既位置,叫左2柸dinks,之後有個女侍應(定老闆娘?)好有禮貌同笑容咁行埋黎介紹我地食物,我記得幾年前都係佢service我地,仍然仲係咁有笑容同禮貌,真係值得一贊!!佢介紹左2款食物,一個係古法咖哩,可配牛、羊、蝦同埋羊架,於是我地叫左個古法咖哩配蝦球、羊架套餐同埋一個薯蓉焗田螺。
首先係頭盤薯蓉焗田螺:田螺入面落左香料,食落去味道好濃郁好好味。
古法咖哩配蝦球:咖哩有小小辣,又唔算太過辣,味道岩岩好,配合咖哩角同埋薄餅食,感覺好正。
羊架套餐:羊架燒得好有味道,一放上檯已經有陣陣既香味傳出,平時我食羊肉要配薄荷sauce,但今次就咁食個羊架,已經覺得夠了,羊肉唔太熟亦唔太生,岩岩好5成熟,食落去口感一流。
到食完晒野食,侍應幫我地收晒d野,winson咁岩去洗手間,於是我就急急腳叫侍應幫我準備生日蛋糕,同winson傾左陣計,侍應無幾耐就拎住個蛋糕黎到,winson好開心,亦諗唔到我會準備蛋糕比佢,侍應仲同佢講左句生日快樂,餐廳亦播左首生日歌送比佢,只見winson笑到唔識講野了~~~~食完野就去IFC睇戲,佢仲嚇左一跳呢,因為估唔到我會買埋飛比佢。
winson好鐘意哩間餐廳,除左食物好味之餘,風景亦係最大原因之一,而我都好鐘意哩間餐廳,原因同winson一樣,但只可惜我住在大埔比較離得太遠,如果唔係的話,我諗我一定會成日去哩間餐廳食飯。因為價錢唔貴之餘,服務亦好好,係中環地區咁既價錢既餐廳可以做到咁,真係值得一贊^^。
張貼
