鐵板超 (已搬遷) 新店位置

生日飯，太太安排咗嚟食鐵板燒。兩大一小，嗌咗個 E 餐，有鮑魚、牛柳、 鵝肝什菜同埋炒飯。另外再叫多咗一盤魚生，同埋四隻生蠔。師傅未上場時，先上沙律。 呢個沙律有好多蟹籽。其實我幾鍾意食鐵板燒，因為廚師煮嘢食嗰陣時可以同食客不停互動。這裏的鐵板師傅都好nice， 又好關心我嘅小朋友，例如問要唔要黑椒？又或者牛肉要唔要煮熟啲等等？講番味道，這裏的食物都很新鮮， 所以我覺得成餐飯都好好食。食到一半先上嘅湯。另外由於呢餐係生日飯嘅關係，鐵板師傅會玩小小 gimmick，就係炒飯前將飯做成你想要的公仔，再用蛋漿寫字。 完成後仲可以入去鐵板師傅個位倒影番張靚相。 淨係呢樣嘢我個女開心到癲。食埋個甜品雪糕，呢餐大滿足啦。