道北工房 (已搬遷) 新店位置

朋友住天后，今晚就話帶我去一間叫道北工房食好野！佢有兩層，地下係賣海鮮，即叫即整👍買番屋企自己下廚又得。朋友話仲可以book烹飪班，又幾特別。今晚叫左個我最愛的炒美國蘆筍，超級爽嫩清甜，健康之選。蟹籽牛油果🥑虎蝦🦐沙律🥗，牛油混入芥辣好有驚喜，味道好夾，加埋爽口嘅虎🦐同沙律菜，係我食過最好味的牛油果菜式😋焗龍葵菇🍄釀加拿大珍寶帶子，面層的芝士好香濃，帶子又甜又爽口，配上龍葵菇，一咬又香又甜又多汁，小小一個餸已經感受到廚師的用心！芫茜皮蛋碎肉煮大蜆，大蜆好大隻，一D沙都冇，肉質鮮甜。最後叫左兩款甜品法式焦糖燉蛋、Panna Cotta，兩款都好夠滑，甜度適中，為整個晚餐畫上完美句號。