印尼餐廳 (已結業)

因為媽咪今晚無煮飯, 所以去男朋友公司附近呢間印尼餐廳食野..6點半去到已經有6枱客, 一坐低叫個waiter俾杯水, 佢已經黑面, 因為佢已經倒好茶, 而我要水, 要佢再水bar倒, 煩倒佢..跟住叫左個蛋豆腐醬菜 ($66), 同巴東牛肉($88), 蛋豆腐醬菜一貫夠熱好味, 巴東牛肉都係用牛展,好重香料亦辣..食緊巴東牛肉既時候有個waiter拿住個大木飯桶問我地要唔要飯, 因為仲係6點幾唔太肚餓, 所以無要到飯亦只係叫左2樣野, 埋單$191. 因為男友同我都太累無仔細睇到單…返到屋企無咁累時諗無理由叫2樣野要近200蚊埋單, 一計之下發現俾佢收多$22..呢$22點黎哩, 原來係2個人既白飯費, 每人$10, 加一後即係每人$11, 但我地無叫到白飯喎, 好明顯呢間野打單時係唔係都每人加個白飯前先, 唔理你有無要囉…咁既收錢手法簡直係老屈, 以後都唔會再幫襯...最後我想講食完個巴東牛肉真係好口渴, 覺得係因為落左好重既香料或者味精, 如果食巴東牛肉, 個人鍾意荅里園既, 其次係峇里餐廳, 之後係cwb sogo側邊既印尼餐廳…下次我點累都會睇單, 唔好無啦啦俾人收多囉...