潮潮居

營業中

休息中

🫶🏻話說前排身體唔舒服，連續幾日都要食粥養胃，身體一好返少少，第一時間約朋友食好野 😆 幾經苦思，最終揀左呢間新開係紅磡既潮洲菜，始終病完食返啲清淡一點既中菜會好啲 🌞👅 蠔仔肉碎粥 ( $ 58 )朋友堅持要點既一碗粥，蠔仔鮮美，粥身清稀 🦋👅 原隻鮮蝦腸 ( $ 42 )一客六件，腸身較厚身，但勝在鮮蝦大粒彈牙 🦐👅 鮮蝦腐皮卷 ( $ 35 )酥脆腐皮卷，薄脆可口，皮身稍嫌點油 🌞👅 滷水鵝片 ( $ 180 )黎食潮洲菜當然要試下滷水系列菜式，平日最愛食鵝片，點左份黎試下。上碟可見色澤明亮，厚薄均勻，肥瘦相稱，點滷水食用味道濃厚 😋👅 碧綠川椒雞 ( $ 69 )餐廳每日都有一個菜式做半價優惠，當日有做優惠既就係呢道菜，原價 $ 138，折後 $ 69 一客，半價緊係要點黎試下啦 🤣香煎川椒雞被酥炸過既羽衣甘藍包裏住，味道較厚重，呈川辣咸香風味，伴飯食一流 👍🏻👅 生磨蛋白杏仁茶 ( $ 38 )每次見到都會點既甜品，美白養顏之選 🥰 濃濃既杏仁味道，碗中有不少蛋白，清甜滋潤 ♥️👅 香芒凍布甸 ( $ 35 )清涼、甜美既一碗凍布甸，加上花奶後，奶香與芒果甜香並存，每啖都會食到