十二味 (筲箕灣東大街)

營業中

休息中

一向都欣賞佢哋嘅干鍋，今次揀咗萵筍、豬大腸、鮮蝦、嫩牛肉、同埋牛肚做餸。萵筍夠爽，豬太腸好好味👍🏻，蝦都鮮甜，其他嘅就中規中矩。另外嗌咗個蔥油拌麵，呢個反而有驚喜，撈埋啲汁食，個味道好恰當，唔會太鹹，麵都做得好彈牙！不過服務就有啲甩漏，由於叫咗中辣，食食吓都開始流鼻水，同埋出汗，於是自己用手機加單叫咗個可樂，希望快啲可以降溫，點知見啲姐姐喺度傾偈，但係都唔為意我加咗單，等咗10分鐘，我頂唔順，唯有自己再叫佢哋，佢哋先至留意原來漏咗單。