影片
更多
2016-06-23
3244 瀏覽
團購雖然好多時都有伏，但有時都有正嘢嘅！因為之前團購買咗現金券，呢日為食豬就去食呢間有米珠蓮大廚坐鎮嘅餐廳。我哋分別叫左一個3-course 同4-course set lunch，其實加一百蚊多一個course又幾抵食。點完菜先上麵包籃，一共有兩款包，其中較特別嘅一款係蕃茄橄欖包。牛油亦有兩款選擇，除左一般嘅牛油，仲有水欖牛油。兩款麵包都新鮮熱辣，我哋都比較鍾意質感有少少似scone嘅蕃茄橄欖包，有淡淡蕃茄味，唔使牛油已經好味。頭盤方面，我哋揀左65°水煮蛋配麵包脆粒,伊比利亞火腿及野菌 同 洋蔥忌廉湯配洋蔥蓉巴馬臣多士。65°水煮蛋配麵包脆粒,伊比利亞火腿及野菌: 切開半熟嘅蛋白，蛋黃即洶湧而出。蛋，麵包脆粒同野菌都屬淡味，令伊比利亞火腿味道更突出，配搭得恰到好處。洋蔥忌廉湯配洋蔥蓉巴馬臣多士：可以用三個字形容呢道頭盤─好洋蔥。帶甜嘅洋蔥忌廉湯十分濃郁，而巴馬臣多士好香脆亦有香濃芝士味，配搭多士嘅洋蔥蓉亦帶天然甜味，但同巴馬臣芝士好似唔太夾。主菜方面，我地揀左香煎大蝦配意大利燴飯及西班牙辣肉腸泡沫（另加$50），慢煮牛肋骨配忌廉焗薯及紅酒汁 同 黑松露忌廉寬條麵（另加$80）。香煎
點完菜先上麵包籃，一共有兩款包，其中較特別嘅一款係蕃茄橄欖包。牛油亦有兩款選擇，除左一般嘅牛油，仲有水欖牛油。兩款麵包都新鮮熱辣，我哋都比較鍾意質感有少少似scone嘅蕃茄橄欖包，有淡淡蕃茄味，唔使牛油已經好味。頭盤方面，我哋揀左65°水煮蛋配麵包脆粒,伊比利亞火腿及野菌 同 洋蔥忌廉湯配洋蔥蓉巴馬臣多士。
65°水煮蛋配麵包脆粒,伊比利亞火腿及野菌: 切開半熟嘅蛋白，蛋黃即洶湧而出。蛋，麵包脆粒同野菌都屬淡味，令伊比利亞火腿味道更突出，配搭得恰到好處。
洋蔥忌廉湯配洋蔥蓉巴馬臣多士：可以用三個字形容呢道頭盤─好洋蔥。帶甜嘅洋蔥忌廉湯十分濃郁，而巴馬臣多士好香脆亦有香濃芝士味，配搭多士嘅洋蔥蓉亦帶天然甜味，但同巴馬臣芝士好似唔太夾。主菜方面，我地揀左香煎大蝦配意大利燴飯及西班牙辣肉腸泡沫（另加$50），慢煮牛肋骨配忌廉焗薯及紅酒汁 同 黑松露忌廉寬條麵（另加$80）。
香煎大蝦配意大利燴飯及西班牙辣肉腸泡沫：上枱時樣子十分討喜，大蝦好似喺意大利飯上面跳躍咁。可惜呢道菜俾我哋嘅味覺唔夠視覺滿足，首先意大利飯煮得有點過硬，唔係好食到西班牙辣肉腸泡沫嘅味道，另外大蝦雖十分彈牙但鮮味不足。
慢煮牛肋骨配忌廉焗薯及紅酒汁：三道主菜為食豬覺得呢一道最好味。一上菜已經顛覆左我哋對牛肋骨嘅印象，因為碟上係冇骨一塊四方體牛肉，配以一條十分卡通嘅原條迷你紅蘿蔔。牛肉煮得好腍，牛味濃郁，啖啖肉對於食肉獸黎講十分滿足。紅酒汁比較似肉汁，比較淡味唔會搶走牛肉本身嘅香味，而配搭嘅焗薯上有香濃芝士，簡單但亦好味。
黑松露忌廉寬條麵：上菜方式好特別，麵同黑松露忌廉汁係分開上，再喺客人面前將黑松露忌廉汁淋上麵，估計係防止黑松露嘅香氣太快被麵嘅熱力揮發，十分細心。呢道菜嘅食材真係只有黑松露醬，忌廉同寬條麵，可見餐廳對佢哋嘅黑松露醬係幾有信心。的而且確，黑松露味十分香濃，而且有層次，有齒頰留香嘅效果。
甜品方面，我哋兩個都揀左焦糖燉蛋。個燉蛋都幾大個，面頭仲有唔少水果，燉蛋香滑唔算甜，可惜焦糖面做得一般，既唔脆亦有糖粒未溶。set lunch 仲包coffee/tea， 好難得地coffee 可以揀latte/cappuccino 而唔使加錢，而且咖啡質素都唔錯架。
題外話/補充資料：
1. 之前訂位出左幾次小風波，餐廳應承會一人送一杯飲品，就算當日我哋冇提都有主動送。
2. 上菜時侍應會細心講解。
3. 唔知係咪坐近窗口，有啲蚊蟲。我哋發現紅酒入面有隻蚊，同侍應反映，佢雖然冇交代任何嘢但都即時換左杯新嘅俾我哋。
(以上食評乃用戶個人意見 , 並不代表OpenRice之觀點。)
張貼
