forte (已結業)

第一次食半自助晚餐，想不到有意外驚喜餐廳地方雖然不大，但環境令人好舒服，坐位很闊落，待應亦很有禮貌，想比起一般自助晚餐還更好。主菜點了澳洲榖飼牛肉眼扒，一時失策掛住食冇記低哂主菜名，第二個主菜大致係蒜蓉包配香蒜大蝦😅三小時半自助餐有四段即煮食物，當鈴聲響起就有一款神秘食物出場，令人興奮起來，鈴聲響起大家都去排隊睇下有咩野食，呢個係其中一款，卡邦妮意粉，加上隔離芝士，非常好味，還有三款係辣酒煮花螺、青口和牛油果大蝦。牛油果大蝦，蝦好大隻，而且蝦頭仲有蝦膏，好味當日有兩款湯，中湯係雪耳椰子湯，椰子味濃，非常清潤，西湯有野菌濃湯，好重野菌味這裏的生𧐢是即開的，可以保持更新鮮比客人品嚐小食很吸引，細細地就啱，咁就可以食多幾款都冇咁快飽，可以繼續試其它食物。沙律疏菜好新鮮，啫喱就硬左啲，班蘭奶凍好香班蘭味，唔錯，蕉糖燉蛋好好食，燉蛋好滑，有流心感覺最特別食牛肉眼扒，有成12種醬料配搭，非常得意。