影片
更多
2012-08-11
38 瀏覽
前晚(9-8-2012 Thur)同女友人TW食佢o既生日飯,我揀o左o黎我女同事推介o既呢間,我book o左枱準時到,就先剔o野食,TW好快都到o黎,我o地食o左:刺身:1-6.三文魚,甜蝦(細隻),帶子(細隻),希靈魚(鹹o左啲),北寄貝,鮑魚片7. 燒日本河豚魚乾唔係o度o度有,所有一定要叫,o黎到,嘩!我以為係擺設,精緻到呢.一客得好少,食落,暖暖地,幸好未變太硬身,重係軟軟地..不過我唔記得蘸沙律醬食.8. 鹽燒多春魚攤凍o左,冇味,好彩唔太鯹.9. 鹽燒雞軟骨一樣係攤凍o左,冇味,呢個重有啲硬,唔掂.10. 漁屋長串燒(海蝦,青椒,芝心丸,車厘茄,帆立貝)一睇就睇到啲醬汁去晒海蝦o度,醬汁好甜,海蝦冇問題,帆立貝唔大粒,鮮味唔夠,芝心丸外面燒黑o左但裡面o既芝士未熔化.天婦羅:11-14. 大蝦,蕃薯(紫蕃薯,超甜),南瓜,芋頭(大大件,冇味)15. 川風螺肉TW話賣相核突,開頭食覺得唔太辣,OK,但食到底就辣喇.16. 海膽手卷海膽少到呢,好彩壽司飯都唔多,呢個味道正常,不過食到最後自己夾什錦刺身o既刺身去食就冇問題.17. 燒羊架有好多金蒜,食到有羶味但正常吧.18.
刺身:
1-6.三文魚,甜蝦(細隻),帶子(細隻),希靈魚(鹹o左啲),北寄貝,鮑魚片
7. 燒日本河豚魚乾唔係o度o度有,所有一定要叫,o黎到,嘩!我以為係擺設,精緻到呢.
一客得好少,食落,暖暖地,幸好未變太硬身,重係軟軟地..不過我唔記得蘸沙律醬食.8. 鹽燒多春魚
攤凍o左,冇味,好彩唔太鯹.
9. 鹽燒雞軟骨
一樣係攤凍o左,冇味,呢個重有啲硬,唔掂.
10. 漁屋長串燒(海蝦,青椒,芝心丸,車厘茄,帆立貝)
一睇就睇到啲醬汁去晒海蝦o度,醬汁好甜,海蝦冇問題,帆立貝唔大粒,鮮味唔夠,芝心丸外面燒黑o左但裡面o既芝士未熔化.天婦羅:
11-14. 大蝦,蕃薯(紫蕃薯,超甜),南瓜,芋頭(大大件,冇味)
15. 川風螺肉
TW話賣相核突,開頭食覺得唔太辣,OK,但食到底就辣喇.16. 海膽手卷
海膽少到呢,好彩壽司飯都唔多,呢個味道正常,不過食到最後自己夾什錦刺身o既刺身去食就冇問題.
17. 燒羊架
有好多金蒜,食到有羶味但正常吧.18. 清酒煮蜆
蜆係鮮甜,但湯冇清酒味,只係鹹鹹o既麵豉湯.正常o既有:
19-22. 墨魚餅,三文魚蟹籽沙律,什錦刺身沙律(黑醋味道o岩o岩好,但唔夠.)
,金菇牛肉卷(TW嫌牛肉太肥.)
23. 和風炒野菜菜多數係椰菜同韭菜,食到有牛油香o既.
TW食,我冇食:
24-27. 吞拿魚刺身,白肉拖羅刺身,軟殼蟹手卷,軟殼蟹天婦羅
冇o黎到o既有汁燒雞扒,漁屋冷豆腐同第二round剔o既刺身中,冇o左北寄貝.
飲品:
熱玄米綠茶,一啲都唔熱,又細杯又冇玄米味.
重有壽司,鍋物o個啲我o地都冇剔.
環境:
冷氣開得比較大,凍o左啲.
服務:
之前打o黎book枱7:00pm時,職員話只可以book7:45pm,咁晏?我好奇怪,原來佢o地有分時段,一個係5:30pm食到7:30pm,佢o地話7:30pm冇晒位,所以要7:45pm.咁冇辦法,而o個日我放o左工搭o緊車去,大約7:22pm,佢o地打o黎話有枱,可以早啲o黎.
我覺得呢樣唔係幾好囉,客人因就佢o既時間而晏啲放工o黎,點知佢話有枱就想客人早啲食早啲食早啲走,做多一輪.咁一係佢o地自己做好planning啦.
我坐低後剔o野食,要自己寫枱號冇問題,但枱上面冇寫o係幾多號枱呢.
其實o野食好快到o黎,唔錯o既.
我o地剔o左o既o野食都差唔多o黎齊,唯獨是和風炒野菜,於是我o地就問一問侍應,佢好老實咁答我:’唔係漏單,係因為要儲多啲至炒.’哈哈哈,即係好少人叫呢個吧.
9:30pm女侍應o黎提醒我o地last call之餘,都問我o地有冇o野未到,我o地就答和風炒野菜,佢問係咪o岩o岩叫?我o地答唔係,佢就跟跟,最後都到o左.
個個都好有禮貌有效率.
張貼
