WM Café & Bar (科學園) (已搬遷) 新店位置

今年復活節假期，係咁多年以來唯一一次留喺香港，亦都因為有好多地方封咗或者唔開，悠長四日假期都唔知做啲乜，所以決定四圍行吓，今日就揀咗科學園同埋附近嘅海邊散步，實際人數冇我想像咁少人，但好在都唔算多人。科學園入邊都有好多舖頭開咗，但實際都冇乜科學嘅東西可以參觀，喺海濱漫步後再到科學園入面邊行咗一轉，覺得有啲攰想搵地方坐低食個下午茶，先至發現其實入邊嘅餐廳數量都唔少，由平至貴任君選擇，呢間餐廳價錢比較大眾化，亦有好多露天座位同室內座位，裝修簡約。下午茶餐嘅款式都幾西式，我哋叫了：煙三文魚牛油果牛角包配薯條、意式茄汁肉丸、芝士蛋糕及全日早餐，份量都合理，食完野飲埋杯咖啡，在喺附近行多一陣先至返屋企。