潮福蒸氣石鍋 (已結業)

襯天氣味係好熱， 就想去食多次火鍋， 約咗朋友去大埔食潮福。揀咗個火鍋套餐， 有海鮮拼盤， 上等肥牛， 龍躉，海蝦，桶蠔，貴妃蚌，聖子等等， 啲海鮮好新鮮， 海蝦種好生猛， 桶豪大大隻，貴妃蚌仲開合開合嘅， 非常好食呀。又有三文魚刺身同象拔蚌刺身， 刺身好鮮甜， 食完仲有任點menu， 選擇好豐富，有黑毛豬啦， 肥牛啦，羊肉啦，雞肉啦， 仲有好多好靚嘅手打丸， 各樣嘅蔬菜應有盡有，好味好味。服務方面，上碟都嚟得好快， 又好快幫我換碟， 服務好周到， 價錢百幾蚊， 食到咁多海鮮同任食嘅自選菜式真係好抵食呀。