潮福蒸氣石鍋 (已結業)

上個月去幫朋友係王仲銘中學隔離整電話，整完原來想同朋友去食雞煲，但係又想食海鮮。諗咗幾耐下，選咗潮福蒸氣石鍋。兩個人唔係點咗好多。貝殼盛盆，整個花甲甘來試試，其實我都叫唔出全部貝殼類嘅名，但係真系好新鮮，一D味精都無，蒸出來好滑。大連鮑魚，大大隻，上面鋪滿蟲草花，真係好香，裡面D肉都嗦曬蟲草花味。裡面淡淡肉加蟲草花一起食。仲叫咗牛肉粒和牛肉，分量唔會好多，但係兩個人都好夠食啦。切得都好均勻，食起來都好有嚼口。牛肉唔老。瑤柱鮮准山粥，最後食埋個瑤柱淮山粥，就已經好飽，淮山好腍，瑤柱鮮味好濃。我個人覺得呢個好似飯後甜品一樣。服務態度好，會同你講點食最好，服務員反應好快，抵贊！