尚夢・茳煳 (已結業)

而家食中菜可以一啲都唔老套 灣仔開左一間食新派中菜嘅餐廳 入邊地方闊落之餘環境好舒服 大部份都係年青人tim 價錢相當經濟 叫咗兩個set lunch 包咗前菜酸蘿蔔 食落好開胃 另外仲有老火湯 非常之足料入邊有冬菇瘦肉等等 仲有跟個甜品紫米糕同埋馬豆糕 配埋飲品百零蚊真係算係咁 主菜方面特別想推介下邊兩個🍲XO醬陳村粉蒸斑片 足足有五六塊厚切斑腩片 蒸得啱啱好 魚肉非常之嫩滑 加埋XO醬惹味到不得了🥘陳皮蒸安格斯牛肉餅 呢個牛肉餅唔似平時手剁豬肉餅個質感 似係牛肉球比較滑身 送飯一流 題外話呢度仲可以轉燕麥飯 咁就更加健康