影片
更多
2021-06-25
729 瀏覽
今日去「駱克道公共圖書館」搵資料，整理完都已經接近下班時間。唔想去街市買餸，有人提議去附近買外賣回家作晚餐，乾手淨腳，食完又唔使洗碗。喺軒尼詩道搵到間新開嘅食肆「叉太郎」，淨係睇個名都估到店舖主打叉燒，反正未幫襯過，一於試下。牆身上有黑板可以讓顧客留言，可見餐廳非常樂意聆聽客人嘅意見，做法很值得讚賞。先細心研究一下餐牌，淨係叉燒就已經有四款口味，另外仲有纖盈有機菜、滋潤美顏湯、養生特飲等供應。點咗兩個太郎精選套餐，叉燒可以選配纖形藜麥飯、有機沙律菜或珍珠有機菜飯，另外亦可以加錢追加美顏湯、蔬菜或養生特飲等。太郎叉燒 ($55) 配有機沙律菜 (+$3)：叉燒選用了脢頭肉，肉質軟腍不嚡，食得出無落鬆肉粉，而且最正就係有部份更烤至焦邊脆口，絕對可以話係集多汁、腍滑、焦香於一身，夠晒 Juicy，配埋新鮮的沙律菜同溏心蛋一齊食，口感好 fresh。至於另一客橘機叉燒 ($55) 就揀咗配珍珠有機菜飯 (+$4)，叉燒同樣屬半肥瘦，肉質腍滑鬆化，而且入口還散發出陣陣橙香，味道非常清新，即時喚醒味蕾。墊底的菜飯以珍珠米煮成，飯粒圓潤飽滿，軟糯得嚟又有飯香，加上內裡混入了不少清爽鮮嫩的菜粒，入口不
喺軒尼詩道搵到間新開嘅食肆「叉太郎」，淨係睇個名都估到店舖主打叉燒，反正未幫襯過，一於試下。
牆身上有黑板可以讓顧客留言，可見餐廳非常樂意聆聽客人嘅意見，做法很值得讚賞。
先細心研究一下餐牌，淨係叉燒就已經有四款口味，另外仲有纖盈有機菜、滋潤美顏湯、養生特飲等供應。
點咗兩個太郎精選套餐，叉燒可以選配纖形藜麥飯、有機沙律菜或珍珠有機菜飯，另外亦可以加錢追加美顏湯、蔬菜或養生特飲等。
太郎叉燒 ($55) 配有機沙律菜 (+$3)：叉燒選用了脢頭肉，肉質軟腍不嚡，食得出無落鬆肉粉，而且最正就係有部份更烤至焦邊脆口，絕對可以話係集多汁、腍滑、焦香於一身，夠晒 Juicy，配埋新鮮的沙律菜同溏心蛋一齊食，口感好 fresh。
至於另一客橘機叉燒 ($55) 就揀咗配珍珠有機菜飯 (+$4)，叉燒同樣屬半肥瘦，肉質腍滑鬆化，而且入口還散發出陣陣橙香，味道非常清新，即時喚醒味蕾。
墊底的菜飯以珍珠米煮成，飯粒圓潤飽滿，軟糯得嚟又有飯香，加上內裡混入了不少清爽鮮嫩的菜粒，入口不油不膩，非常美味。
加錢點咗兩款蔬菜：養顏枸杞浸菜 (+$15) 同 竹笙浸有機時蔬 (+$15)，杞子顆粒完整、肉厚飽滿；竹笙清香爽滑、鮮美滋味，配上鮮嫩清甜的娃娃菜，有營又健康。
今次小試牛刀，吃了兩款叉燒，整體味道唔錯，下次有機會，會再嚟試下佢哋嘅叉燒滑蛋蝦仁潛艇同焗叉燒芝士烏冬。
張貼
