影片
更多
2017-07-11
547 瀏覽
潮洲菜，通常好多人會聯想起地舖既打冷檔，一班良朋知己，一打啤酒，不同既滷味。但今次我地一班人，就揀左位於商場專做潮洲菜既酒樓。坐低左侍應就會送上功夫茶。首先黎既係兩碟前菜-涼伴魚皮$98，秘制生醃獅蚶$98。魚皮好爽脆，係大熱天時，先食一個又爽又凍既前菜，真係令人胃口大開。獅蚶，係一味久違了既菜式，對上一次食，都應該係去泰國旅行時食了，同泰國菜相比，我比較鍾意潮洲既做法，佢地生醃用既醬料，帶出左獅蚶獨有既鮮甜，獅蚶比起其他既貝殻類，係較為鮮甜，呢個做法，尤其能夠突出獅蚶既優勢。再加上個專用開殻鉗，食果時就方便好多！必試食潮洲菜，梗係唔少得鹵水鵝片啦。除左面頭幾塊，連下面果D都係一塊塊既鵝片，每塊都皮連肉，無話下面就用碎肉過關，夠老實。食落口有香濃既鹵水味，唔咸。$188咸菜胡椒豬肚湯$128，如果自己屋企煲呢個湯，我覺得幾麻煩，淨係洗豬肚都要唔少時間。豪華大拼盤$840，有海蜇，鵝片，蝦棗，蟹棗。兩種炸物做得十分出色。啖啖蝦肉，啖啖蟹肉，炸完仲保留住蝦蟹既鮮甜味，下次來要再encore。凍蟹（$50/兩）而家去到街市，都已經唔容易買到咁大隻紅蟹，去到潮洲菜館，點可以錯過。肉質飽滿，鮮甜
但今次我地一班人，就揀左位於商場專做潮洲菜既酒樓。
坐低左侍應就會送上功夫茶。
首先黎既係兩碟前菜-涼伴魚皮$98，秘制生醃獅蚶$98。
魚皮好爽脆，係大熱天時，先食一個又爽又凍既前菜，真係令人胃口大開。獅蚶，係一味久違了既菜式，對上一次食，都應該係去泰國旅行時食了，同泰國菜相比，我比較鍾意潮洲既做法，佢地生醃用既醬料，帶出左獅蚶獨有既鮮甜，獅蚶比起其他既貝殻類，係較為鮮甜，呢個做法，尤其能夠突出獅蚶既優勢。
再加上個專用開殻鉗，食果時就方便好多！必試
食潮洲菜，梗係唔少得鹵水鵝片啦。除左面頭幾塊，連下面果D都係一塊塊既鵝片，每塊都皮連肉，無話下面就用碎肉過關，夠老實。
食落口有香濃既鹵水味，唔咸。
$188
咸菜胡椒豬肚湯$128，如果自己屋企煲呢個湯，我覺得幾麻煩，淨係洗豬肚都要唔少時間。
豪華大拼盤$840，有海蜇，鵝片，蝦棗，蟹棗。
兩種炸物做得十分出色。啖啖蝦肉，啖啖蟹肉，炸完仲保留住蝦蟹既鮮甜味，下次來要再encore。
凍蟹（$50/兩）
而家去到街市，都已經唔容易買到咁大隻紅蟹，去到潮洲菜館，點可以錯過。
肉質飽滿，鮮甜。蟹肉紋理清晰。好美味
豉油皇煎䱽魚球$280，䱽魚肉質比較結實，採用左起球半煎炸既方法，大大舊既魚肉，沾d沙律醬，配搭得宜
潮洲菜另一不可少既煎蠔烙$108，呢味菜式最怕係食到蠔殼，呢度無呢個問題，而且蠔肉飽滿賬卜卜添
另一潮洲特色菜，乾煎糖醋麵$128，兩面脆卜卜，一面沾醋，一面灑糖，正
反沙芋$108，外面係脆卜卜糖脆外層，入面係熱辣辣芋頭件，一口咬落去有兩種質感。
總結：除左去打冷，又多一個選擇食潮洲菜
張貼
