樸一拉麵

營業中

休息中

最近多咗機會係旺角覓食，當然要發掘下好嘢！早排先知道呢間拉麵小店，真係慚愧呢。晚市剛開門第一轉唔使排隊，入座前其他都諗好要食期間限定嘅清醬油拉麵！雖然索價$108比正堂menu嘅拉麵貴，但已經有溏心蛋同大量慢煮叉燒，所以我認為分分鐘其實係抵咗😆拉麵湯底果然係好清甜，一啲都唔鹹，正常硬度嘅麵已經好有咬口，麵加湯食落係有順喉感覺，溏心蛋水準中上，係我中意嘅口感同味道，加埋叉燒唔肥，慢煮過後亦唔嚡身，一啖接一啖食都冇乜負擔，我直頭覺得叉燒太多添🤣如果麵多少少應該可以平衡返！