響 - Hibiki 日本燒肉 (已結業)

約好生日慶生，今日決定要放縱自己開懷大食，最好就係食放題! 日式燒肉 之前食過質素幾高，趁佢做緊 79折放題任食， 即刻去幫襯下先！波士頓龍蝦仲有好多優惠，兩位即送，新鮮熟食波士頓龍蝦。波龍開邊，新鮮爽口彈牙，隻隻爆膏蝦味濃郁 ，啖啖肉大快朶頤。刺身冷盤食放題梗係食刺身先。點了刺身拼盤 有 海膽、三文魚、油甘魚、帶子、八爪魚、赤蝦、甜蝦，擺盤精緻吸引。 海膽新鮮甘甜有海水味，三文魚肥美嫩滑有油脂。甜蝦鮮甜爽口！刺身整體質素不錯，水準甚高！食魚生最好就係配清酒，呢度 有自助吧檯任飲，仲有梅酒、 紅酒供應!燒肉、海鮮燒烤肉類燒烤 選擇幾多有不同部位和牛、豚肉、雞肉、骨付雞肉腸、手羽雞翼和大蝦。 個人喜歡澳洲和牛胸腹，肉質嫩滑軟熟，油脂均勻啖啖肉。燒大蝦肉質爽滑，添食之選。熱葷熟食大蝦天婦羅、松葉蟹天婦羅、炸蕃薯、炸芝士年糕，仲有和食和烏冬。大蝦天婦羅，香脆鬆化不油不膩，蝦肉鮮甜爽口彈牙。炸蕃薯，熱辣辣香脆煙韌，有天然番薯甜味有嚼口。甜品有dreyer's甜筒任食，其他自製小杯甜品，自己出去雪櫃攞，款式色彩繽紛，絕對不遜酒店級數！