鳳城酒家 (干諾道西) (已結業)

今日喺澳門返嚟上環之後, 個人攰攰哋, 落咗船之後, 想搵地方食, 經過見到對面有間鳳城酒家, 就入去食啦裏面推介咗好多特價嘅小菜, 價錢都非常之實惠, 但最喜出望外嘅係, 佢嘅份量非常之多!首先叫咗個生菜鯪魚球煲, 都只係88蚊, 用紫砂煲去盛載, 一打開蓋, 熱辣辣香噴噴嘅味道, 十分之吸引, 鋪滿咗個唐生菜, 咬口非常脆, 另外鯪魚球份量都唔少, 湯加插咗豆腐, 飲落去非常之鮮甜!另外再叫咗個砵酒桶蠔, 都係用紫砂鍋去盛載, 一打開蓋, 啲酒嘅香味大爆發! 蠔嘅體積非常之大! 數量的都唔少! 佢嘅砵酒走嘅醬汁滲滿咗蠔嘅裏面, 連洋蔥嘅味道都非常之吸引! 蠔咬落去外脆內軟, 真係值得推介