影片
更多
2018-02-04
645 瀏覽
上星期去銅鑼灣京都廣場食古早味台灣菜，發現同一座大廈有間叫「組長」嘅日式放題店。瀏覽過餐廳網頁，得知店子嘅晚市放題，除了有壽司、刺身、爐端燒、鐵板燒等任食外，原來仲有火鍋供應，見近排天寒地凍，就一於趁周末同兩隻小鬼去吃放題。入座後，店員立即拿出骰盅叫我地玩遊戲，原來餐廳做緊新年 Promotion，每兩位光顧便可以玩魚蝦蟹 Game，共有三次搖骰機會，如果搖到圍骰，仲有大獎，有價值 $1,800 的阿拉斯加長腳蟹，亦有 $1,000 現金獎。雖然我地無中大獎，不過好彩都中左兩件拖羅壽司，拖羅油脂分佈平均，爽口不膩，據說每條魚只有數份，相當矜貴。事不宜遲，立即劃紙仔落單，先逐張細看，放題項目有沙律/小食、刺身、極上刺身(需另加$38)、壽司、軍艦、卷物、天婦羅、爐端燒、鐵板燒、一品料理，另外亦有日式涮涮鍋。至於自助區域方面，除了有罐裝凍飲外，還有熱嘅玄米茶、柚子蜜、花膠元貝水蟹粥、粟米魚肚羮、甜品同雪糕等。涮涮鍋有三款可供挑選，包括北海道海膽花膠鍋、鹿兒島芝蔴雞鍋同我地揀嘅濟洲韓牛壽喜鍋。韓牛雖然不似和牛般入口即溶，但比起和牛，牛味更濃，而且雪花分佈平均，食落唔會有太重的油膩感。至於其他
上星期去銅鑼灣京都廣場食古早味台灣菜，發現同一座大廈有間叫「組長」嘅日式放題店。瀏覽過餐廳網頁，得知店子嘅晚市放題，除了有壽司、刺身、爐端燒、鐵板燒等任食外，原來仲有火鍋供應，見近排天寒地凍，就一於趁周末同兩隻小鬼去吃放題。
入座後，店員立即拿出骰盅叫我地玩遊戲，原來餐廳做緊新年 Promotion，每兩位光顧便可以玩魚蝦蟹 Game，共有三次搖骰機會，如果搖到圍骰，仲有大獎，有價值 $1,800 的阿拉斯加長腳蟹，亦有 $1,000 現金獎。雖然我地無中大獎，不過好彩都中左兩件拖羅壽司，拖羅油脂分佈平均，爽口不膩，據說每條魚只有數份，相當矜貴。
事不宜遲，立即劃紙仔落單，先逐張細看，放題項目有沙律/小食、刺身、極上刺身(需另加$38)、壽司、軍艦、卷物、天婦羅、爐端燒、鐵板燒、一品料理，另外亦有日式涮涮鍋。至於自助區域方面，除了有罐裝凍飲外，還有熱嘅玄米茶、柚子蜜、花膠元貝水蟹粥、粟米魚肚羮、甜品同雪糕等。
涮涮鍋有三款可供挑選，包括北海道海膽花膠鍋、鹿兒島芝蔴雞鍋同我地揀嘅濟洲韓牛壽喜鍋。韓牛雖然不似和牛般入口即溶，但比起和牛，牛味更濃，而且雪花分佈平均，食落唔會有太重的油膩感。至於其他火鍋料就有美國肥牛、黑毛豚肉片、雪場蟹棒、鴨子魚蛋、金針菇等，全部都可以任點任食，選擇都幾豐富。
小食點左辣味墨魚仔同辣味螺肉，墨魚仔彈牙爽口、而螺肉亦夠甜夠惹味、入口帶嚼勁，加上兩款小吃的醬汁都沒過濃過多，味道唔錯。
刺身選了三文魚、帶子、象拔蚌、特大赤蝦同法式冷盤熟廣島蠔，八爪魚仔等。三文魚厚切肥美，肉質柔軟，口感唔錯；而特大赤蝦亦水準不俗，不但肉質彈牙，而且勁鮮甜，令人吃得滿意。帶子色澤雪白，入口幼嫩有鮮味。
因為想留肚吃天婦羅同爐端燒，所以壽司只揀了花之戀、櫻花魷魚花之戀同蟹肉蟹膏軍艦。花之戀造型相當精緻，以鮮甜肥美、油脂豐盈的三文魚片配上鮮味十足嘅三文魚籽，光看已令人垂涎三尺！
天婦羅方面，選擇不多，揀咗大蝦、蕃薯同香蕉三款，蝦天婦炸功雖然唔算一流，但咬下夠脆夠熱，食味亦不俗。至於切成薄片的日本蕃薯，咬下微甜脆香，加上蕃薯味勁濃郁，粉漿又不過厚，入口唔油膩，是佐酒佳品。
唐揚炸物有芝士年糕、吉列炸蠔、香辣脆薯花、南乳雞翼，另外亦點左章魚小丸子。芝士年糕入口軟滑煙韌，內藏香味濃郁嘅芝士；南乳雞翼外皮燒至金黃色，內裡肉嫩，鹹香味道剛好。章魚小丸子外皮雖然唔算好脆，不過就幾薄身，軟綿綿的粉漿夾著爽口彈牙的章魚粒，配埋酸酸甜甜的燒汁、沙律醬和紫菜一起吃，味道唔錯。
爐端燒點得最多，有雞軟骨串、粟米心豚肉卷、青椒仔煙肉串、雞肉元貝串、鰻魚串、日式蕃薯仔、燒新鮮菠蘿等。雞軟骨入口非常爽脆，燒得乾身入味，令人一啖接一啖。粟米心豚肉卷，水準亦不俗，肉的鹹香沁進爽口嘅粟米仔，味道夾配。鰻魚經過火炙後，入口外焦香內軟綿，加上面頭嘅惹味醬汁，增添了鰻魚的炭燒風味。至於蕃薯仔同菠蘿，前者軟綿粉糯、而後者亦鮮甜多汁，值得 encore！
鐵板燒方面，揀左雞軟骨餃子、汁燒一口牛同日式炒野菜菌。一口牛熟度控制得剛好，食落肉質嫩滑，加上吸收左醬汁，味道非常濃郁。食完咁多肉，緊係要點返碟野菜嚟平衡一下。
最後一擊，一品料理揀左芝士焗扇貝同豬軟骨稻庭烏冬，肉滑嘅扇貝加入了芝士焗至金黃色，入口芝味濃郁，食味不俗。稻庭烏冬非常滑溜，食完夠曬飽肚。
甜品方面，款式雖然較少，只有幾款小甜點同雪糕，不過都建議大家留肚試下，尤其是紅豆卷，入口煙韌軟糯、紅豆蓉又甜又香。順帶一提，收費方面，5:30-11:30pm 星期一至四，全晚 $208，星期五六日及公眾假期，全晚 $218，如果 7:30pm 前離座或 9:30pm 後入座，更可享 8 折優惠。
張貼
