裕鵝莊 (已結業)

開心食燒鵝，唔開心更加要食燒鵝，因為實在太正啦！d皮卜卜爽，嗦嗦聲，脂肪都燒都化晒油呀又唔會用勁多醃料醃死d肉，食到鵝嘅鮮味，正！肉都幾軟腍，老人家都食到，3個人食例牌都夠分。羊腩煲炆得超入味，連馬磅都上晒色，仲煲到粉粉地，真係堅煮左段時間先俾客。成煲都幾多肉，去街市差唔多200蚊一煲，呢度2百幾有呢個質素，好好多。鰻魚球要趁熱食先得，凍左無咁香同會縮少少。松露味有嘅，都流心，不過鍾意傳統“蜆芥”多啲。