香港郵意明信片航海主題咖啡廳 (已搬遷) 新店位置

行過灣仔一條小巷 見到有兩間餐廳。其中一間外面係海藍色既外牆，有個郵筒，感覺幾特別，吸引左我同朋友入去。原來呢間咖啡店係以航海做主題，怪不得以海藍色做主調。店內有好多設計擺設都好有心思 同埋自家制的。牆上既餐牌全部都係手寫同自己畫，d字好靚喔👍🏻*煙三文魚火箭菜沙律* 三文魚好厚好大塊，鮮味十足；配埋爽脆新鮮既火箭菜，滋味滿分👍🏻健康又好味*芝士糯米釀無骨雞翼* 好好好好味！無骨雞翼就食過，不過釀糯米就第一次～原來香脆既炸雞翼入面有糯米，口感係好豐富，鬆脆彈牙；加埋芝士既香滑，真係100分。*波士頓龍蝦闊條麵* 龍蝦鮮味唔算凸出，不過肉質肥美，加埋海鮮汁都幾吸引👍🏻*檸檬馬鞭草茶* 馬鞭草第一次聽。飲落似香茅味，清清地，聞落好香。食飽之後係店內行下，見到好多得意明信片，我都買左幾張送比外國既朋友。食物質素唔錯，店內環境舒服，值得推介。