影片
更多
2020-03-22
1592 瀏覽
最近肺炎肆虐，大家都無心情出街玩同消費。今日趁周末，天氣又好，就同朋友黎灣仔食越南菜。間餐廳係修頓球場附近，唔算難搵，隔離有唔同既酒吧同餐廳，好多外國人係度食野。餐廳裝修得算簡單，但都幾闊落，至於野食就要試過先知。好多人覺得越南菜通常都係牛肉河，越南春卷，但呢間越北菜就crossover埋其他小菜，好有新鮮感。我地首先叫左個香草野菜燒牛肉沙律($88)。沙律一上枱就見到d菜係新鮮既，d牛肉食落口好淋，唔會咬唔開，同時又有牛肉既質感同牛肉既鮮味，作為頭盤真係唔錯。之後就係香辣香茅爆炒雞腎($68)。作為小菜，呢個真係值得推薦。餐廳用左大量香茅去炒d雞腎，穫氣十足，雞腎一d腥味都無，而且非常有咬口。餐廳特登將雞腎切到細細粒，令到d雞腎非常彈牙，對雞腎唔抗拒既朋友值得一試。另外一碟小菜就係香茅魚露煮活蜆($118)。首先一見到呢碟菜就覺得佢份量不錯，而且d蜆亦都非常新鮮肥美，唔會有唔開殻既情況出現。至於味道方面，餐廳就用左魚露去帶出蜆既鮮味，食到有小小香，但又鮮味十足，算係誠意之作。到最後就係主食北正宗牛肉湯河($98)。可以見到湯河份量十足，我同朋友share 都無問題。湯底有牛肉鮮味，亦
間餐廳係修頓球場附近，唔算難搵，隔離有唔同既酒吧同餐廳，好多外國人係度食野。餐廳裝修得算簡單，但都幾闊落，至於野食就要試過先知。
好多人覺得越南菜通常都係牛肉河，越南春卷，但呢間越北菜就crossover埋其他小菜，好有新鮮感。
我地首先叫左個香草野菜燒牛肉沙律($88)。沙律一上枱就見到d菜係新鮮既，d牛肉食落口好淋，唔會咬唔開，同時又有牛肉既質感同牛肉既鮮味，作為頭盤真係唔錯。
之後就係香辣香茅爆炒雞腎($68)。作為小菜，呢個真係值得推薦。餐廳用左大量香茅去炒d雞腎，穫氣十足，雞腎一d腥味都無，而且非常有咬口。
餐廳特登將雞腎切到細細粒，令到d雞腎非常彈牙，對雞腎唔抗拒既朋友值得一試。
另外一碟小菜就係香茅魚露煮活蜆($118)。首先一見到呢碟菜就覺得佢份量不錯，而且d蜆亦都非常新鮮肥美，唔會有唔開殻既情況出現。至於味道方面，餐廳就用左魚露去帶出蜆既鮮味，食到有小小香，但又鮮味十足，算係誠意之作。
到最後就係主食北正宗牛肉湯河($98)。可以見到湯河份量十足，我同朋友share 都無問題。
湯底有牛肉鮮味，亦唔會太咸。
至於牛肉亦好淋，味道不俗。
張貼
