Flagship

營業中

休息中

喺灣仔見完客無意間發現咗間幾唔錯嘅fusion 菜～ 感覺中西合璧 又很盞鬼 外表好似好西化但點知住咗個中式魂😂睇到個Menu 啲菜式名幾得意～環境亦好舒適 有2層 天花仲有朵朵彩雲咁幾靚幾好feel ，門口都可以輕輕打到下卡架📸 我同朋友揀咗🟡麻唔辣四川蜆、🟡21天熟成厚切豬扒 同 🟠大閘蟹糕Risotto 🍽️嚟試吓～ 麻唔辣四川蜆💗蜆肉漲卜卜亦好新鮮，有粒粒麻籽洋蔥碎同蔥花 有麻香味但又真係唔辣仲好似有少少酒香味配上牛油法包片沾汁嚟食又鮮又惹味🤤 21天熟成嘅厚切豬扒又真係好厚身，雖然厚身但依個豬嘅肉質好嫩唔鞋身，外表煎得好香入面仲有陣陣豬香肉汁，仲要伴有一整個香噴噴炸蒜同蘆筍、唔點汁其實都好好味👍 最後個大閘蟹糕Risotto係用中式煲仔飯瓦煲上嘅😂食落陣陣蟹鮮蟹膏味都幾濃味 飯亦唔會煮得太淋身 面灑咗黑椒同芫荽碎提升味蕾 不過想食就要睇季節同有冇食材先食到嘅seasonal 菜式。