Trattoria Kagawa by Mihara (已結業)

上星期五同同事過咗灣仔食嘢吹水，同事介紹咗我哋去呢間意日fusion餐廳，入面除咗有西餐食之外，仲有日式鐵板燒，呢種crossover真係令我大開眼界😆 而佢嘅環境都好靚下，有唔少綠色植物遍佈喺餐廳，入到去即刻有種好relaxing嘅感覺😌首先嗌咗個白酒煮青口做前菜，一上到嚟就聞到好香白酒味，青口份量算多，肉質爽口新鮮，點上有蒜香嘅白酒汁一齊食，白酒青口幾時都咁搭🤭主食方面，我哋嗌咗呢度嘅名物——海膽意粉👀 估唔到又幾有驚喜，意粉煮到剛好，al dente嘅質感，再配上超級濃郁嘅海膽cream sauce，同埋面頭甘甘甜甜嘅海膽，好食到停唔到口😋 如果份量再多返少少就更好。另外，再嗌咗牛舌意粉，牛舌係以慢煮形式製成，食落非常軟腍☺️ 仲切到細細粒，方便進食，意粉同樣al dente，而個sauce充滿洋蔥嘅香味，都幾唔錯！最後，我哋嗌多咗個海鮮湯，有唔同嘅chef recommended海鮮，包括大大粒帶子、煎鱈魚、青口、蜆同蝦，每種海鮮都好新鮮😌 而個湯都好特別，係以羅勒、蕃茄乾同埋日本香川橄欖製成，配住咁多海鮮，特別有鮮味！同你一齊搵更多好嘢食😋