美盛匯 (已結業)

近日經過灣仔入境事務大樓天橋，都發覺呢間好吸睛嘅餐廳 — 美盛匯，價錢經濟實惠，唔使$100就可以解決中午飯嘅煩惱，仲要係任飲任食，非常之吸引！同灣仔區類近價位餐廳比較，呢度環境好闊落，坐得好舒服，呢一點已經唔容易！當然啦，呢個價錢任飲任食，食物種類唔可以要求太多🤣款式選擇都有十幾款，唔揀擇嘅話其實絕對夠填飽肚！另一邊廂有幾款主食類產品，可以現場落order叫麵檔整！重慶小麵，屬於重慶人最不可或缺嘅主食之一🤩麻、辣、香應有盡有😋酸辣粉幾似模似樣，還原到成都當地嘅感覺！😎現場仲有大量嘅啤酒任飲🍻如果唔係返工日子，真係可以啤啤佢！