吉野家 (新鴻基中心)

營業中

休息中

呢間我返工咁耐未幫襯過，尋日諗住午餐食吓飯唔食意粉，走入去食。全個餐都正常ok可以接受，唔算好難食，但唔係好好食。仲有我叫南蠻炸雞，佢俾錯咗柚子炸雞我，但呢d我都接受，只有一樣絕對不能接受：就係佢地嘅所謂日式炸餃，細細粒，但食落口係完全另一種餃黎，根本就係中式潮州韮菜餃嘅珍珠版。好過份。我係鍾意食餃嘅，尤其是炸餃子，韮菜餃我成日都食，好鍾意食添，但係，重點係：吉野家喺點餐機/餐牌寫明係日式炸餃子，食落口就變成潮州炸韮菜餃，呢一樣我就絕對接受唔到。