味苑 (已結業)

餐廳光猛明亮，以木色作為主調！牆上掛有字畫，播著中國琴弦音樂，為環境添上幾分高雅浪漫感！中國特色之一既公雞碗碟，係宜度都見到！海味雜菜煲材料好充足，份量又夠多！有西蘭花、冬菇、蝦米、粉絲等等...比其他酒樓優勝之處係食材質素較高，例如蝦米有鹹香，唔會太硬無味！冬菇又夠厚肉又充滿濃濃既菇香味另外值得欣賞既係宜個雜菜煲既湯底唔會好重味精，飲完d湯都唔會口渴！奉上既甜品有桂花糕，晶瑩剔透既桂花糕賣相吸引，口感彈牙，甜度剛剛好！但個人認為桂花味唔夠重，美中有不足！