弘 CHIRASHI (已結業)

上網見大家好多好評, 今日就黎親身試下~大約中午十二點半到去到, 要喺出面等一陣位, 舖頭比較細, 裝修環境平常, 日本餐廳咁啦~睇餐牌真係好吸引~我地叫左弘丼淺草 ($108), 同香蔥伴藍鰭吞拿魚腩海膽三文魚子溫泉蛋($128)弘丼淺草 - 有三文魚, 赤蝦, 帆立貝, 三文魚子, 油甘魚~ 啲食材好似好豐富，擺到好靚，不過佢擺到咁, 食落去好唔方便，我要將全部魚生拎曬出嚟放碟度，再逐塊逐塊放返去先可以食。不過咁, 黎呢度都係想睇佢呢個賣相既啫~ 食落又唔係好似之前啲食評咁話非常新鮮，如果只係食新鮮嘅話，我會揀另外一間築地直送嘅日本店, 黎呢度叫做食個賣相咁啦~~ 香蔥伴藍鰭吞拿魚腩海膽三文魚子溫泉蛋 - 佢個名已經寫晒佢有D乜，吞拿魚蓉好味但海膽一般般啦， 唔算好甘甜~整體上都好吸引， 實物同相片相符，擺到滿滿咁， 睇相好似好大， 實際唔算大 ，但份量其實都足夠，下次應該試下兩層嘅魚生飯。