明明車仔麵專門店 (軒尼詩道) (已搬遷) 新店位置

明明車仔麵喺我心目中嘅優勢一直都係開得夠夜。好多時候其他舖頭9點已經last order或者準備收鋪時，明明車仔麵仲會開到凌晨，簡直係夜收工嘅人嘅救星。而其實明明車仔麵嘅質素都不容忽視。食過幾次，第一樣抵讚嘅就係啲料比得好足，見到就算係外賣，啲豬紅至少有六七舊，直頭有種驚喜嘅感覺。麵底我就叫咗加底嘅，不過就算唔加都應該夠應付一般人嘅食量。可能米線始終唔係車仔麵嘅主打，口感其實一般般（反而呢度嘅烏冬都唔錯），但係啲配料無論係味道定份量都很好，值得推介！btw外賣會送一包紙包飲品添！