自助山

營業中

休息中

11月同12月共到訪兩次，兩次到是慶生的星期六自助午餐。食物質數唔錯，種類繁多，地方夠大，食物分區擺放，令顧客無須迫埋一齊攞食物。最驚喜的是雞蛋仔，鬆趣可口之餘，可見餐廳細心的將一底雞蛋仔三粒三粒地分別包裝，唔需要拎得多而食到太飽無quota食其他食物。曲奇及其他甜品味道品錯，值得一讚。奇異果原個任攞，臨近聖誕還有火雞片，即炸天婦羅味道適當。魚生方面，有三文魚，鏗魚，八爪魚同赤貝。雖然新鮮，但巧合地兩次切魚生嘅師父態度都好唔友善（大殺風景）。景觀係餐廳嘅其中一大賣點，坐喺度望著維港等地進食的確唔錯但要留意：搭完扶手電梯再轉三次𨋢先至到，記緊要預番啲搭𨋢時間。如果約咗老人家，最好約佢哋樓下等埋一齊上去。