影片
更多
2022-04-17
4284 瀏覽
重開第二日去食，價錢$488加一，食物服務質素大概值$3xx，其他價錢就落左係個360度旋轉。當日其實係我嘅生日飯，帶埋老人家去食，但經歷的體驗令我覺得，年輕人去ok，長者就唔好啦先講唔好嘅前期體驗：老人家指定要掃「安心出行」，唔俾填紙仔！😰 （但打針記錄又可以照攞紙本🤯）我係去嘅之後一日翻查，政府網仲寫緊65歲以上「可用填妥指定表格替代」，唔知係個間餐廳嘅特殊安排定政府未更新網頁，而亦因為老人家平時係可以填紙…所以我booking時無特別問清楚(呢點我認衰…🥲真係應該問清楚嘅🥲)其實reserve 嘅時候如果佢可以問多句/講返句溫馨提醒，狀況已經完全唔同於是當時情況就極度尷尬同麻煩😡咁最後都自己搵到方法解決入左去嘅服務🤔：順便講埋呢部分，我打左兩次查詢電話，前一次問詳情，個男仔非常有禮貌；但真係book個時係另一個女仔聽電話，語氣好唔耐煩…當日服務ok嘅，收碟勤快，落餐茶、帶位都有禮貌，但有啲細微位會扣分，老人家帶住拐杖，放係枱跌左幾次，聽聲行近見唔係打爛野就行返開，唔會諗吓有無額外野可以做可能大家覺得我要求高，但我本身做開其他服務業service training，當日嘅服務係合乎
先講唔好嘅前期體驗：
老人家指定要掃「安心出行」，唔俾填紙仔！😰 （但打針記錄又可以照攞紙本🤯）
我係去嘅之後一日翻查，政府網仲寫緊65歲以上「可用填妥指定表格替代」，唔知係個間餐廳嘅特殊安排定政府未更新網頁，而亦因為老人家平時係可以填紙…所以我booking時無特別問清楚(呢點我認衰…🥲真係應該問清楚嘅🥲)
其實reserve 嘅時候如果佢可以問多句/講返句溫馨提醒，狀況已經完全唔同
於是當時情況就極度尷尬同麻煩😡咁最後都自己搵到方法解決入左去嘅
服務🤔：
順便講埋呢部分，我打左兩次查詢電話，前一次問詳情，個男仔非常有禮貌；但真係book個時係另一個女仔聽電話，語氣好唔耐煩…
當日服務ok嘅，收碟勤快，落餐茶、帶位都有禮貌，但有啲細微位會扣分，老人家帶住拐杖，放係枱跌左幾次，聽聲行近見唔係打爛野就行返開，唔會諗吓有無額外野可以做
可能大家覺得我要求高，但我本身做開其他服務業service training，當日嘅服務係合乎standard，但部分員工就唔會覺得係想行多步幫你(Just standard, not excellent)，不過都未必完全關員工事，可能公司政策本身係咁…
食物🍽：
食物區分成處於「旋轉區」的熱食🍲、甜品🍰、壽司🍣及前菜🥗區；與及「非旋轉區」的冷盤🦀、點心燒味、燒烤區(呢3區連住廚房，部分即製)
食物大部分ok嘅，有麵包蟹🦀(有蟹膏)、蟹腳、青口、蝦🦐等，都新鮮有海水味；刺身有三文魚、鰹魚、赤貝、八爪魚；🍲熱食牛柳粒幾「霖」，牛肉唔韌，有見人攞焗蠔，但出過一次之後遇唔到；甜品Macaron、開心果蛋糕、焦糖海鹽蛋糕🍰都唔會太甜，個人好鍾意，雪糕🍨無寫牌子，但試左咖啡味，同餐飲咖啡一樣，偏苦 (個人就麻麻🥵但應該會有人鍾意呢隻味)
點心蝦餃燒賣即蒸，每人限攞兩籠，都幾好食
但蛋黃蓮蓉包同牛肉球就麻麻，差過酒樓好多，尤其蓮蓉味好假，牛肉球蔥就嚟多過肉
環境：
雖然當日是陰天，但都可以飽覽維港、跑馬地個境係靚嘅
但旋轉同非旋轉區由樓梯相連，所以對行動不太靈活的老人家想上「非旋轉區」攞食物/去廁所就非常唔方便…🙈
整體來說，想嘗新或食環境的一試無妨，但唔建議帶長者，食物服務明顯有某啲部分/人係突然比其他差。
因為有一開始嘅體驗，實在好難對佢有太大好感，所以都係到此一遊算。
最後提一提想用消費券嘅朋友，餐牌有得用八達通、信用卡等。
張貼
