影片
更多
2022-04-25
5018 瀏覽
晚市重開堂食嘅第一日🎉，我同我朋友一齊嚟到君悅酒店嘅茶園，事隔三個月，我覺得佢依然保持到昔日嘅水準😜，只不過係略嫌新鮮感未夠。😞今次晚市自助餐仍然座無虛席💃，唯一唔同就係今日可以睇住中環日落用餐🌇，配埋鋼琴優美嘅音樂🎹，景色同埋氛圍都唔錯。🥰我鍾意茶園嘅原因係因為佢地方夠大，枱同枱之間分隔夠開，保留左足夠嘅私隱度🕵🏻♂️。而且，佢嘅服務好細心，例如有侍應見到我餐巾整污糟咗，會即刻同我更換，有啲老人家唔方便出去攞食物，佢哋都好樂意幫手，呢啲就係專業嘅服務☺️講完服務同埋環境，就梗係要講下佢嘅食物。好老實講，呢間酒店主打唔係百變，只係質素，佢嘅款式亦都唔多，只能夠講係貴精不貴多：😮頭盤嘅沙律吧就唔多提，要有嘅toppings都有，亦都唔會有一隻隻烏蠅周圍飛。🪰❌至於頭款隔離就有唔同款式嘅麵包🍞🥖🥐🥯，側邊亦都有唔同種類嘅芝士🧀🪤，我覺得呢間酒店幾好嘅地方就係滿足到我呢個芝士愛好者。😍行過少少就有🦞龍蝦湯同埋其他熱盤：先講講佢嘅龍蝦湯，我唔鍾意麥當勞🍟龍蝦湯嘅原因係我會飲到佢嘅苦澀味😞，不過呢一間餐廳嘅龍蝦湯好順滑之餘亦都唔會有苦味，飲到底部亦都有兩三粒龍蝦，感覺幾滋味。😋😋😋隔離係鵝肝🦆草莓
今次晚市自助餐仍然座無虛席💃，唯一唔同就係今日可以睇住中環日落用餐🌇，配埋鋼琴優美嘅音樂🎹，景色同埋氛圍都唔錯。🥰
我鍾意茶園嘅原因係因為佢地方夠大，枱同枱之間分隔夠開，保留左足夠嘅私隱度🕵🏻♂️。而且，佢嘅服務好細心，例如有侍應見到我餐巾整污糟咗，會即刻同我更換，有啲老人家唔方便出去攞食物，佢哋都好樂意幫手，呢啲就係專業嘅服務☺️
講完服務同埋環境，就梗係要講下佢嘅食物。好老實講，呢間酒店主打唔係百變，只係質素，佢嘅款式亦都唔多，只能夠講係貴精不貴多：😮
頭盤嘅沙律吧就唔多提，要有嘅toppings都有，亦都唔會有一隻隻烏蠅周圍飛。🪰❌
至於頭款隔離就有唔同款式嘅麵包🍞🥖🥐🥯，側邊亦都有唔同種類嘅芝士🧀🪤，我覺得呢間酒店幾好嘅地方就係滿足到我呢個芝士愛好者。😍
行過少少就有🦞龍蝦湯同埋其他熱盤：
先講講佢嘅龍蝦湯，我唔鍾意麥當勞🍟龍蝦湯嘅原因係我會飲到佢嘅苦澀味😞，不過呢一間餐廳嘅龍蝦湯好順滑之餘亦都唔會有苦味，飲到底部亦都有兩三粒龍蝦，感覺幾滋味。😋😋😋
隔離係鵝肝🦆草莓醬同埋血腸，自己唔係好鍾意食血製品🩸，所以淨係揀咗鵝肝。一入口件鵝肝啲油🛢爆發，成個口充滿鵝油嘅香味，你可能會問會唔會好油膩，我覺得又唔會，畢竟佢下面塊麵包🥖都吸咗好多油，罪惡感冇咁高😈
再行遠少少，就有廚師在場嘅熟食區：有法式牛雜湯🇫🇷同埋威靈頓牛扒🏴。法式牛雜湯——廚師已經將牛雜切好成一件件放喺碗內，你嚟到嘅時候佢就會將啲湯倒入去🥣，我本身冇乜興趣，不過經唔起廚師熱情嘅推薦，所以攞咗一碗嚟試。一試不得了，鹹，好鬼死鹹，大家唔想腎虧就唔好試😂😂😂
威靈頓牛扒——其實件牛扒一啲問題都冇，只不過係廚師刀工唔好，一切成塊酥皮跌咗出嚟，賣相爭少少🤏。
上回講到茶園嘅前菜同埋熱盤，今次我哋就要講吓佢嘅海鮮同埋甜品：
茶園嘅海鮮🦐🦑🍤🦞真係唔多，都係得生蠔、青口、長腳蟹、田螺，海鮮區隔離仲有啲煙三文魚🎣等等，青口長腳蟹🦀呢啲就急凍貨色，只能夠讚佢哋處理融雪❄️得好，食唔到雪味，不過海鮮味唔係好夠。至於生蠔🦪我覺得佢係偏瘦削，食一兩隻好似都唔夠喉，同埋生蠔吧師傅🧑🍳嘅速度好慢，好多時候都要排隊等。⏲
重點嚟啦，喺開席初期，侍應就會介紹每人都有一隻龍蝦🦞，問你地想點樣煮：清蒸♨️、冷盤❄️、定還是芝士焗🧀。作為芝士嘅狂熱分子，我哋梗係揀咗芝士焗龍蝦🦞
食到中段，龍蝦就上桌，非常大隻，而且佢嘅擺盤好有特色，廚師會好貼心🥰咁將龍蝦鉗嘅肉挑出來，再放喺龍蝦頭嗰度一齊焗，食嘅時候一啲都唔論盡，每一啖都係龍蝦肉，每一啖都食到佢嘅鮮味同埋彈牙爽口！諗返起都拇指大動👍
食到咁上下，就梗係轉戰去甜品🎂
今次佢有得食窩夫🧇、雪糕🍨、同埋馬卡龍等等
佢嘅雪糕😍非常值得一試，因為全部都係自家製，味道亦都唔錯。
我特別推介各位試吓今期嘅🥭芒果糯米飯🇹🇭，真係神還原泰國嘅味道，尤其是係上面嗰層椰漿🥥，竟然可以喺雪糕裏面食到椰漿同埋糯米呢個層次，真係CLS
同埋要大力推介佢嘅🌰開心果泡芙，真係超超超超超超超超超超超超級好食😋佢嘅cream係用開心果製作，極之順滑同埋令人滿足😝😝😝
——————為食分界線——————
📍 茶園 (灣仔)
灣仔港灣道1號君悅酒店閣樓
推介指數 🤰🤰🤰🤰(4/5)
好味指數 🤰🤰🤰🤰(4/5)
抵食指數 🤰🤰🤰🤰(4/5)
環境推介 🤰🤰🤰🤰🤰(5/5)
人均消費： $800
#mariofatfat #hkfoodie #Foodie #為食馬利奧 #馬里奧自助餐 #茶園 #灣仔 #君悅酒店 #buffet #自助餐 #中環 #日落 #沙律 #芝士 #威靈頓牛扒 #英國 #法式牛雜湯 #法國 #鵝肝 #蘋果 #草莓 #士多啤梨 #恒生信用卡 #優惠 #堂食 #甜品
張貼
