影片
更多
2016-01-19
1771 瀏覽
香港地食野真係好鬼趕架，入到位坐得低，未睇餐牌已經畀人問你食乜，食完個飯未飲完杯水，已經畀人叫你埋埋張單啦。香港地既野食真係好飄忽架，十個食家寫話好食，到你食果陣就唔知點解咁難食，可能係你樣衰，可能係個廚失戀，又可能係你今朝出門時會無同個看更打招呼，真係乜野原因都有，總之你話好食，就未必人地食果次係好食，食評真係難寫過股評架。今日午餐肥柑太又黎陪我食飯，天氣濕濕寒寒既情況下，由原本想食印度咖哩改左去日本咖哩。睇左呢頭有間叫Cats' eyes既日式咖哩，主打蛋包飯、漢堡同埋咖哩，三樣都係我口味，於是就建議柑太去果度食。已經比平時行快幾步，去到都一堆人等緊，好在等左一陣都已經有人食完出黎，好快都到我地埋位。入到去，地方係窄既，人又係多既，位就唔多啦，廿個多少少，我地被安排坐巴位，咁好多無人催我地點菜，慢慢研究食乜後，柑太就要忌廉汁加咖哩汁蛋包飯，我就叫咖哩汁加漢堡蛋包飯。等飯期間，張望四周，睇到裝潢簡單，白木板既牆身上面，加上一兩幅日本電影海報點綴下，如果空間大d，氣氛應該會更好，以前係西貢食過某日本咖啡店，都有類似裝潢，但人地地方大好多，空間感大左，人都坐得舒服d。佢地個開放式廚房上放
香港地既野食真係好飄忽架，十個食家寫話好食，到你食果陣就唔知點解咁難食，可能係你樣衰，可能係個廚失戀，又可能係你今朝出門時會無同個看更打招呼，真係乜野原因都有，總之你話好食，就未必人地食果次係好食，食評真係難寫過股評架。
今日午餐肥柑太又黎陪我食飯，天氣濕濕寒寒既情況下，由原本想食印度咖哩改左去日本咖哩。睇左呢頭有間叫Cats' eyes既日式咖哩，主打蛋包飯、漢堡同埋咖哩，三樣都係我口味，於是就建議柑太去果度食。
已經比平時行快幾步，去到都一堆人等緊，好在等左一陣都已經有人食完出黎，好快都到我地埋位。入到去，地方係窄既，人又係多既，位就唔多啦，廿個多少少，我地被安排坐巴位，咁好多無人催我地點菜，慢慢研究食乜後，柑太就要忌廉汁加咖哩汁蛋包飯，我就叫咖哩汁加漢堡蛋包飯。
等飯期間，張望四周，睇到裝潢簡單，白木板既牆身上面，加上一兩幅日本電影海報點綴下，如果空間大d，氣氛應該會更好，以前係西貢食過某日本咖啡店，都有類似裝潢，但人地地方大好多，空間感大左，人都坐得舒服d。
佢地個開放式廚房上放左小擺設，有幾支汽水係度，原來家陣zero都有玻璃裝，而佢地有自家製既辣椒醬，係有得賣既，食落似XO醬但唔係好辣。而且佢地有好多小貓貓既擺設，四周望下好易望到。
忌廉汁及咖哩汁蛋包飯
$78
61 瀏覽
0 讚好
0 留言
咖哩汁加漢堡扒蛋包飯
$94
51 瀏覽
0 讚好
0 留言
我個飯既分別就係個漢堡，食落口唔實，漢堡肉一咬即散，而雖然肉汁唔多，但係勝在肉質嫩滑，雖然未到頂級，但已經合格有餘。伴漢堡既牛肉汁偏甜，但如果混左咖哩食，食耐左就會變得無味，而且個飯底煮得未夠乾物，只係達到一般白飯伴小菜食既程度，如果係要做汁撈既飯，飯身一定要更乾先可以索到汁，同埋食落唔會膩。
自家製辣椒
15 瀏覽
0 讚好
0 留言
味道方面佢地做到出黎，但要係呢個區競爭取勝，吸引更多客人既話，就要係再提升番佢地食物煮出黎既味道啦。
題外話/補充資料：
店員入面有識日文英文既日藉店員
(以上食評乃用戶個人意見 , 並不代表OpenRice之觀點。)
張貼
