鳥華亭

營業中

休息中

天寒地凍，最想食返啲熱辣辣既野食。靈光一閃，記得喺灣仔公園有一間隱秘既拉麵店，之前經過無數次都未試過，今晚就決定一試虛實！店舖好似其他拉麵店一樣，座位唔多，簡簡單單。一睇餐牌，拉麵店主打雞湯拉麵，同其他拉麵店一般用豬骨湯底唔同。我地點左一個至極白湯拉麵同埋魚介白湯拉麵，同埋餃子、牛肉薯餅、明太子雞翼。麵如其名，白雞湯湯底，第一次品嚐雞湯湯底，湯底口感滑溜，無左豬骨湯油膩既感覺，雞味濃郁。另一款加入魚湯既湯底，比起雞白湯層次更加豐富，如果喜歡濃味既食客可以考慮。拉麵用既叉燒係雞肉，入口鬆軟，有別於一般豬肉叉燒。麵身彈牙爽口，都係坊間少見。小食都係誠意之作，薯餅重薯味，真材實料，當然牛肉可以再多少少。餃子就配左三種不同醬料：介辣、豆瓣醬同蔥油，提供多重享受俾食客。明太子雞翼，故名思義，將明太子釀入雞翼內，味道不錯。總結：近年少見有誠意既拉麵店，難得之處，係樣樣都好好食，所以就算拉麵店位置隱蔽，仍然不斷有食客等位，寫寫下食評，已經開始想再去食。