麺匠 真武咲弥 (已搬遷) 新店位置

今日喺銅鑼灣行完街，諗住食下日本野，朋友就推介左喺灣仔春園街既麵匠真武咲弞。（唔識點讀🤣）間拉麵店係細細間既，可以隔住玻璃睇師傅整拉麵。佢有三款拉麵可以揀，我覺得非常好，對於有選擇困難症既我就唔洗諗咁多，可以好輕易就揀到岩食既野。揀完麵之後，就可以揀加唔加大或者要唔要其他小食，咁就可以食到一碗好個人化既拉麵。炙熱味噌拉麵🍜呢個拉麵湯底好濃郁，啲麵既質感亦都唔錯。另外，我亦都加左叉燒同溏心蛋，令到成碗麵更加豐富。好大舊叉燒啊！至愛既溏心蛋🤤炙熱醬油拉麵🍜呢碗拉麵就無味增拉麵咁濃，但同啲麵都係好match,亦都好多配料，正！我同朋友亦都點多左個炸章魚燒🐙，新鮮即整既章魚燒，熱辣辣，好香好好味！