22 Ships (已搬遷) 新店位置

船街一帶開左好多特色小店，其中呢間22 ships 經過親都見到好多人排隊，今日一於係佢開門前黎排隊。 五點九黎到，前面已經有十幾人排緊隊。店入面座位唔多，如果唔想等多一round, 六點半前要黎攞位。無辦法，無得訂位，只有walk-in, 想食好野就要咁。今次被安排坐係bar枱✌ 可以睇住廚師準備食物。頭盤揀左Scallop ceviche, yuzu, chinese radish ($138)，帶子肉厚鮮甜，配上旁邊嘅柚子醬汁同酸酸地嘅蘿蔔，非常清新醒胃！但醬汁同蘿蔔嘅酸味絕對無覆蓋帶子嘅甜味。呢個頭盤不但賞心悅目，味道都好滿意！主菜揀左呢個非常有名嘅Iberico pork & foie gras burger, avovado and pickled cucmber ($178)。一客兩小件，索價$178 其實幾貴。但係食落口就會明白呢$178係抵比。鵝肝同黑毛豬好juicy , 仲有自己可以隨喜好加埋牛油果醬同醃青瓜，呢個配搭真心正！兩三啖就食完，有啲唔夠喉。呢兩款食物都好好食！！但係價錢偏貴，不過久唔久去食一餐好既，都可以接受！