影片
更多
2018-01-22
1371 瀏覽
久仰大名嘅前四季甜品總廚Gregoire Michaud喺灣仔嘅麵包店終於開咗喇！之前要去用佢workshop品牌Bread Elements供應麵包嘅餐廳先食到，而且感覺總係好似隔咗重，唔係新鮮出爐咁（可能只係我心理作用）。🤣🤣不過而家去大王東街，就可以大手購入佢嘅出爐麵包喇！門面樸實，啡磚噴上白字，俾我感覺就好似砧板上灑上白麵粉，點題至極。況且，一間以質素取勝嘅麵包店，又何需華麗包裝？始終麵包根本就係一種生活基本、非常入屋舒心嘅食物。見到一盤盤Croissant對住我微笑，梗係要買番個試下！🤤（忘記咗影相，就已經俾我秒殺咗🤦🏻♂️）個牛角包真係非常好食！😱😱😱酥皮食得出一層層鬆脆嘅感覺，有牛油香，但又唔會過油，相當不錯。（最怕有啲舖頭以為落得多牛油就會好食😰）好驚喜見到Gregoire喺冇酒店資源加持之下，亦都做得到酒店質素有餘，透過玻璃窗更可睇到佢親力親為，誠意十足。更要一讚嘅係個價錢，今時今日香港一個牛角包喺連鎖咖啡店都可以賣三、四十蚊，佢賣18蚊之餘，可以有咁嘅質素絕對不失禮。除咗牛角之外，一列麵包櫃都相當吸引，我一場黎到當然捧場，買多咗兩個仲係微暖嘅Walnut/Fig返屋
之前要去用佢workshop品牌Bread Elements供應麵包嘅餐廳先食到，而且感覺總係好似隔咗重，唔係新鮮出爐咁（可能只係我心理作用）。🤣🤣
不過而家去大王東街，就可以大手購入佢嘅出爐麵包喇！
門面樸實，啡磚噴上白字，俾我感覺就好似砧板上灑上白麵粉，點題至極。況且，一間以質素取勝嘅麵包店，又何需華麗包裝？始終麵包根本就係一種生活基本、非常入屋舒心嘅食物。
Croissant
$18
141 瀏覽
1 讚好
0 留言
見到一盤盤Croissant對住我微笑，梗係要買番個試下！🤤（忘記咗影相，就已經俾我秒殺咗🤦🏻♂️）
個牛角包真係非常好食！😱😱😱酥皮食得出一層層鬆脆嘅感覺，有牛油香，但又唔會過油，相當不錯。（最怕有啲舖頭以為落得多牛油就會好食😰）
好驚喜見到Gregoire喺冇酒店資源加持之下，亦都做得到酒店質素有餘，透過玻璃窗更可睇到佢親力親為，誠意十足。
更要一讚嘅係個價錢，今時今日香港一個牛角包喺連鎖咖啡店都可以賣三、四十蚊，佢賣18蚊之餘，可以有咁嘅質素絕對不失禮。
Walnut/Fig
$36
157 瀏覽
0 讚好
0 留言
除咗牛角之外，一列麵包櫃都相當吸引，我一場黎到當然捧場，買多咗兩個仲係微暖嘅Walnut/Fig返屋企慢慢嘆。
Walnut/Fig
$36
269 瀏覽
0 讚好
0 留言
呢個合桃無花果酸種麵包切開後非常足料，咬落有脆口合桃，無花果粒粒份量適中，唔會太甜，早餐做多士一流！🤤🤤👍🏼
呢間有誠意心機嘅麵包店絕對可以經常返黎買包！🤣👏🏼
張貼
