火星料理 (已結業)

黎自火星既韓國餐廳，媽媽之前見到就有興趣想一次，所以就約左番工日一家人進餐。一上到樓已見到鮮明既招牌，可以好易就搵到餐廳既位置。一入到黎就有好多款的前菜可以試下，每款都好有特色，不似其他餐廳只提供兩三款。商量完之後我地就決定點幾個菜色試試。白切豬手水冷面($75) -第一次食豬手水冷面，感覺好新鮮，同韓國的水冷面一樣有加冰令水冷面更加冰凍，厚切的豬手加上酸酸冰冰的湯，適合怕辣而且怕熱的朋友，沙湯底令到豬手沒有油膩既感覺，配搭新鮮又好味。招牌炆牛肋骨配飯($85) - 牛肉非常軟熟，羅白同紅羅白都非常入味，一食就知炆左好幾個小時，配上白飯，非常好味。誠意之選。烤照燒汁大蝦($130) -蝦肉新鮮又大隻，大蝦一早已經醃好燒汁令食果時更入味，蝦烤完後香味濃郁，肉質鮮嫩有陣性，配埋旁邊既菇就一流。價格雖然較貴，但食完後覺得是值得一試的。最後食完附送既甜品我地就再次回到地球上了