池記

營業中

休息中

用餐時間（9:03pm late dinner）follow@wojengyea/@wo!正嘢 for more food info🐒 支持我哋發掘更多美食 😋元朗出名多大排檔，見池記啱啱新裝修完，環境比以前光猛，地方乾淨咗，即刻去試。兩條仔嗌咗三個餸（魚香茄子煲、菠蘿咕嚕肉、瑤柱扒豆苗）諗緊飲咩啤酒🍻嘅時候，已經上第一碟菜。咕嚕肉🍖炸夠脆，個醬汁都好味，但豬肉佢用燒味嗰隻燒肉，晤係用脢頭（豬肩）肉，口感冇咁好，紅黃綠椒都落足，又有粒粒菠蘿🍍。豆苗扒瑤柱正常發揮，個瑤柱芡汁還好，唔會太鹹😋。最後上魚香茄子煲🍆，諗住撈飯但豬肉碎晤夠多，另外亦都冇咗鹹魚嘅鹹香，有點失色。三碟嘢夠鑊氣，但未至於話好好食，食緊飯嘅時候，都會聞到一浸浸火水味🔥🔥🔥 成件事好有feel。.無加一無茶介，咁嘅價錢好低食，份量夠又哂多，建議如果女仔去可以嗌兩個餸🥘🥘，或者叫多幾個姊妹去食。