拾悦咖啡 (已結業)

呢間位於沙田商業中心的Cafe雖然地方小小，但長期都會排長龍！餐廳午市有提供套餐，比大家用較優惠的價格有齊食物同飲品。「黑松露野菌意大利粉」一上菜時已經香到不得了！個黑松露醬勁香，意粉加左忌廉，味道仲好Creamy，配埋好有口感的意粉，簡直一流！「洋蔥黑椒汁牛柳粒飯」牛肉煮得夠淋身，加埋好香的洋蔥黑椒汁，整個配撘好夾。同事好少食米飯都可以成碟食曬！餐廳午餐套餐會包一杯飲品，除左基的奶茶檸水外，餐廳仲有熱蜂蜜綠茶、凍泡沫蜂蜜綠茶(不用加錢)。蜂蜜綠茶內的比較好好，唔會太甜或者太重茶的苦澀味。當然大家都可補錢飲靚咖啡/特飲。雖然係火炭區70幾蚊食個Lunch有D貴，不過餐廳的食物同飲品都係Above Average，可以係出糧/辛苦完一輪就黎嘆個正Lunch都係唔錯的選擇！