味川酸菜魚 (已結業)

見到評價幾好 ， 專程走來看看。 真係值回票價，小店親自經營，餸菜好用心做，服務好好。👍🏻酸菜魚真係冇得輸 ， 叫咗個標準size for兩個人食 $188。因為有小朋友，老闆話分一碗清湯嘅魚畀小朋友，我怕有骨。老闆話語冇骨而且好滑 。酸菜魚個湯底係用鷄淆製，冇味精。畀小朋友食得好放心 。用咗鱸魚， 唔腥，冇骨，好滑。 個湯底真心正，叫咗小辣唔算好辣，但食到尾有少少麻。 雖然叫酸菜魚但湯底唔算酸，反而有種清甜，食完之後唔會覺得口乾，我相信係冇加味精。 配料係乜都有，大豆芽， 木耳，青瓜 ，蓮藕 ，薯粉， 金菇，萵筍 等等..... 配料份量唔多，但勝在乜都有。 唔夠飽 ，再點咗個黃金軟殼蟹 。👍🏻 黃金軟殼蟹$115。 重蛋黃味，唔會過鹹，炸得非常脆， 唔會成口油 ，好乾脆 。而且軟殼蟹好厚肉，口感好，非常推介。加兩杯飲品，小店冇加一 ，埋單$337。一定會再回頭，希望小店質素可以保持住。因為有心做嘅小店酸菜魚唔多。