一君士多 (已結業)

今日下午行過，之前食過佢嘅車仔麵質素都唔錯，於是入去了座下，見到除了有車仔麵選擇外還飯類選擇，我點了個火山之牛飯，同埋個香酥南乳雞翼，加埋杯紅豆冰！香酥南乳雞翼，雞翼炸得十分香脆可口，入口時還有一陣陣嘅南乳味道，如果喜歡南乳味嘅朋友必吃！等了一會嘅火山之牛飯，中間有隻窩蛋而伴住它嘅就係用火炙了嘅肥牛，圍住了一圈，而且夾埋啲火炙後嘅軟滑芝士，入口口感十足，攪勻隻窩蛋配埋個牛肉汁味道更佳，估唔到這裡都可以吃到啲咁好味道嘅選擇！紅豆冰嘅紅豆亦十分軟熟大粒，整體表現滿意！行過又可以入來座下食個麵或飯，嘆一嘆再行過街！